Elordada kınoteatr men qoǵamdyq kólik jumysy, úshinshi toqsandaǵy oqytý qalaı iske asyrylady
Joǵaryda aıtylǵandardy, sondaı-aq sońǵy 2 aptada ınfektsııalyq aýrýhanalardyń júktemesin jáne turǵyndardyń indetke qatysty medıtsınalyq kómekke júginýi boıynsha birshama oń úrdisti eskere otyryp, qaladaǵy keıbir jekelegen qyzmet túrleriniń jumys rejımderin qaıta qaraý týraly sheshim qabyldandy.
Osy oraıda qoǵamdyq kólik jumysyna qarbalas saǵattarda avtobýstar sanynyń artýyna baılanysty sońǵy aıaldamada dezınfektsııalyq quraldarmen salonda tazalyq jumystaryn júrgizý eskerilgen. Sonymen qatar avtobýstyń barlyq esikterin ashý, jolaýshylar úshin sanıtaızer ornatý, áleýmettik araqashyqtyqty mindetti túrde saqtaý, maska taǵý rejımin oryndaý talaptary qoıylǵan. Jumys, demalys ári mereke kúnderi saǵat 6:00-dan 23:00-ge deıin jumys kestesi belgilendi.
Budan bólek, 26 jeltoqsannan bastap oryndar sanyn 30 paıyzdan asyrmaı, kórermenderdi eki oryn saıyn jáne qatar boıynsha shahmat tártibimen otyrǵyzý arqyly, kúsheıtilgen sanıtarlyq-epıdemıologııalyq normalardy saqtaı otyryp, kınoteatrlardyń jumysyna ruqsat etiledi. Kınoteatrlar jumys, demalys jáne mereke kúnderi saǵat 10:00-den 24:00-ge deıin jumys isteıdi. Eger karantın jáne shekteý is-sharalaryn buzý faktisi anyqtalsa, kınoteatrlardyń jumysy toqtatylady.
Onyń aıtýynsha, meıramhanalarda, dámhanalarda, barlarda, ashanalarda úlken kezekter týyndaýyna jol bermeýdi eskerip, jumys jáne demalys kúnderi qyzmet kestesi saǵat 7:00-den saǵat 24:00-ge deıin belgilenip otyr.
Bul rette ǵımarat ishinde 30 orynnan artyq bolmaýy, sanıtarlyq-epıdemıologııalyq, sanıtarlyq-profılaktıkalyq sharalardyń saqtalýy, ústelder arasynda keminde 2 metr áleýmettik araqashyqtyq saqtalýy, ár ústelge 4-6 adamnan artyq otyrǵyzylmaýy kerek. Bul qaýly turǵyn úılerde ornalasqan nysandarǵa qatysty emes. Olardyń jumys ýaqyty - saǵat 22:00-ge deıin.
Oıyn-saýyq, sporttyq jáne basqa da buqaralyq is-sharalardy, onyń ishinde saltanatty jıyndardy, banketterdi, úılený toılaryn, mereıtoılardy ótkizýge tyıym salyndy.
Aıtpaqshy, elordada saýda aýdany 2 myń sharshy metrden asatyn gıpermarketter men sýpermarketterdiń qalypty jumys kestesine kóshýine ruqsat etildi. Bul turǵyda kelýshiler sany 30 paıyzdan aspaýy kerek. Jer-jerlerde nysandardyń basshylary jumysty sanıtarlyq-epıdemıologııalyq normalardy qatań saqtaı otyryp uıymdastyrýy tıis.
«Saýda, oıyn-saýyq ortalyqtary men saýda úıleri úshin jumys kúnderi qyzmet etý rejımi saǵat 10:00-den 23:00-ge deıin, al senbi jáne mereke kúnderi saǵat 10:00-den 20:00-ge deıin belgilendi. ıAǵnı, jeksenbi kúni olardyń jumysyna tyıym salynady. Bul nysandardyń ishindegi dárihanalar, azyq túlik satatyn mını-marketter, gıpermarketter men sýpermarketter jumysyn jalǵastyrady. Atap aıtqanda mereke kúnderi saýda oıyn-saýyq ortalyqtary men saýda úıleri jumys isteıtin bolady», - dedi Janna Pirálıeva.
Sonymen qatar ol Aıaz ata men Aqshaqardy úıge shaqyrmaýǵa keńes berdi.
«Qazirgi kezde jańajyldyq is-sharalarǵa keıipkerlerdi úıge shaqyrtqan durys emes. Sebebi Aıaz ata, Aqshaqar nemese ózge de keıipkerler bir kúnde birqatar nysandy aralap shyǵady. Olar indettiń sıpmtomsyz formasyndaǵy naýqastar bar úılerge de barýy múmkin. Sondyqtan bul jaǵdaı otbasy múshelerine qaýip tóndirýi yqtımal. Osy oraıda atalǵan keıipkerlerde úıge shaqyrtýdan toqtatqan jón», - dedi J. Pirálıeva.
Oqýshylar úshinshi toqsandy qalaı ótkizedi
«11 qańtardan bastap oqý jylynyń úshinshi toqsany bastalady. 1-5 synyp oqýshylary kezekshi synyptar rejıminde oqýlaryn jalǵastyrady.
Buǵan qosa, III toqsanda bitirýshi 9 jáne 11 (12) synyp oqýshylary aralas formatta 15 adamnan aspaıtyn kezekshi synyptar rejıminde oqýdy bastaıdy. Offlaın ótetin sabaq kestesine: orys tili men ádebıeti, qazaq tili men ádebıeti, shet tili, algebra, geometrııa, fızıka, hımııa, bıologııa, geografııa, Qazaqstan tarıhy, dúnıejúzi tarıhy kiredi. Bul oqytý pánderiniń 70% -yn quraıdy», - dedi Nur-Sultan qalalyq bilim basqarmasynyń basshysy Sholpan Qadyrova ákimdikte ótken brıfıngide.
Sondaı-aq pánderdiń 30%-y qashyqtan oqytylady. Atap ótetin bolsam: ınformatıka, ózin – ózi taný, dene shynyqtyrý, quqyq negizi, alǵashqy áskerı tehnologııalyq daıyndyq pánderi qashyqtan oqytylady.
Al varıatıvti komponenttiń pánderi kestege sáıkes asınhrondy túrde júrgiziledi.
Aıta keteıik, qalada 9 synypta 13 215 oqýshy oqysa, 7567 bala 11 synypta bilim alyp jatyr. Mektepterde ıkemdi sabaq kesteleri jasalyp, sabaqtar arasyndaǵy úzilister ár synyp úshin ár túrli ýaqytta uıymdastyrylady. Sabaq ýaqyty 30 mınýttan aspaıdy, úzilis 5 mınýttan.
Sabaq kestesin qurý kezinde joǵary synyp oqýshylarynyń jas erekshelikteri, olardyń qabiletteri men qajettilikteri, sondaı-aq 11-synyp oqýshylarynyń jańartylǵan bilim berý mazmunyna kóshýi jáne kiriktirilgen sabaqtardy ótkizý múmkindigi eskeriledi.
Kásiptik jáne tehnıkalyq bilim berý
«Ekinshi semestrden bastap kásiptik jáne tehnıkalyq bilim berý uıymdaryndaǵy 1 kýrstyń 8223 stýdenti aralas formatta oqıdy. ıAǵnı, pánderdiń 70%-y shtattyq rejımde, 30%-y qashyqtyq rejımde ótedi. Kolledjderdiń 100%-y bilim berýdiń aqparattyq resýrstarynda jumys isteıdi»,- dedi Sh. Qadyrova
Shtattyq rejımde oqytý 15 stýdentten aspaıtyn shaǵyn toptarda júrgiziledi (aýdıtorııanyń toltyrylýy 50% - dan aspaıdy). Shtattyq rejımde praktıkalyq jáne zerthanalyq sabaqtar (fızıka, hımııa, matematıka jáne t.b.), qashyqtan oqytý rejıminde - tarıh, qazaq, orys jáne aǵylshyn tilderi, ózin-ózi taný, mádenıettaný, áleýmettaný jáne basqa pánder boıynsha dáris sabaqtary ótkiziledi.
Óndiristik oqytý jáne kásiptik praktıka, zerthanalyq jumystar jáne praktıkalyq sabaqtar tolyq nemese ishinara kásiporyndar bazasynda nemese tehnıkalyq jáne kásiptik bilim berý uıymdarynda (mamandyqtardyń ereksheligine baılanysty) shaǵyn toptarda qashyqtyqty saqtaı otyryp júrgiziledi.
Aralas formatta oqytýdy uıymdastyrý kezinde:
1) aýdıtorııalyq dáristerdiń kestesi olardyń bastalý jáne aıaqtalý ýaqyty kórsetilip jeke jasalady;
2) aýdıtorııadaǵy dárister keminde 1,5 metr qashyqtyqty jáne betperde rejımin saqtaı otyryp júrgiziledi;
3) sabaqtar arasyndaǵy úzilis árbir top úshin jeke uıymdastyrylady;
4) kitap úlestirý jónindegi jumysty qospaǵanda, kitaphanalardaǵy oqý zaldary jabylady;
5) sanıtarııalyq-gıgıenalyq talaptardy saqtaý týraly stýdentterge, pedagogtarǵa, óndiristik oqytý sheberlerine, ata-analarǵa nusqaýlyq júrgiziledi;
6) medıtsına qyzmetkeri kún saıyn stýdentter men basqa da qyzmetkerlerdiń densaýlyǵyna baqylaý júrgizedi.
Stýdentterdi jataqhanada orynmen qamtamasyz etý - qaladaǵy 2 693 orynǵa arnalǵan 15 jataqhana esebinen sheshiledi.
Búgingi kúni barlyq jataqhanadan orynǵa muqtaj memlekettik bilim berý tapsyrysy negizinde oqyp jatqan 1281 stýdent jataqhanamen qamtamasyz etilgen.
