Elordada kezekshi synypta qansha bala bilim alýda
«Ózderińiz biletindeı, biz bıylǵy oqý jylyn qashyqtan oqytý formatynda bastadyq. Sondaı-aq, ata-analardyń qalaýy boıynsha bilim berý uıymdaryna qoıylatyn sanıtarlyq erejelerdi saqtaı otyryp, 1-4 synyptar úshin kezekshi synyptar jumysy uıymdastyryldy. Barlyǵy 3011 kezekshi synyby jumys isteýde, onda 40 400 bala bilim alýda», - dep naqtylady B. Smataeva baspasóz máslıhatynda.
Osy oraıda ol kezekshi synyptardyń qyzmeti sanıtarlyq-epıdemıologııalyq talaptardy qatań saqtaı otyryp júzege asyrylatynyn atap ótti. Ata-analar balalaryn mekteptiń esik aldyna deıin alyp kelip, sabaq aıaqtalǵannan keıin de syrtqy esik aldynan alyp ketedi. ıAǵnı, ata-analar mektepke kirmeıdi. Áleýmettik qashyqtyqty saqtaý úshin mektepterde arnaıy belgiler qoıylǵan. Kabınetter ár sabaqtan soń jeldetilip, kvarts qosylady.
«Árıne, qashyqtan oqytý kezinde oqýshylardy kompıýterlerlik tehnıkamen qamtamasyz etý mańyzdy.
Buǵan deıin úzdiksiz bilim berý úderisin qamtamasyz etý maqsatynda mektep qorynan oqýshylar men muǵalimder 9 700 kompıýterlik tehnıkamen, 22 600 roýtermen qamtamasyz etilgen bolatyn. Sondaı-aq, jergilikti bıýdjetten qosymsha 8000 dana kompıýterlik tehnıka satyp alyndy. Osylaısha, birinshi kezekte kompıýterlik tehnıkamen jetim balalar, erekshe bilim berýdi qajet etetin balalar, az qamtylǵan otbasylar men kópbalaly otbasylardan shyqqan balalar, sondaı-aq basqa da kompıýterge muqtaj balalar qamtamasyz etildi», - dedi Baǵlan Smataeva.