Elordada Qazaqstannyń depozıtterge kepildik berý qorynyń keńsesi ashyldy
Qordyń málimetinshe, elordalyq keńse Nur-Sultan qalasyndaǵy jáne respýblıkanyń irgeles aımaqtaryndaǵy májbúrlep taratylatyn bankter salymshylarynyń ótinish-shaǵymdary men ótinishterin jedel qaraýǵa múmkindik beredi.
Keńse depozıtterge kepildik berý júıesine qatysýshy bankterde depozıti bar jeke tulǵalarmen jumys júrgizedi. Keńsede kepildik berilgen ótemdi tóleýge qujattar, sondaı-aq ótinishterdi (shaǵymdardy) qabyldanaday; qordyń qyzmeti jáne depozıtterge kepildik berý júıesi máseleleri boıynsha keńes beriledi..
Barlyq suraqtar boıynsha salymshylar «Nur-sáýlet» bıznes ortalyǵyndaǵy qordyń keńsesine, 104 kabınetke, nemese 8 701 494 83 70, 8 776 192 28 38 telefondary arqyly habarlasa alady.
Aıta keterligi, «Qazaqstannyń depozıtterge kepildik berý qory» AQ – bul 1999 jyly ekinshi deńgeıdegi bankter salymshylarynyń quqyqtary men zańdy múddelerin qorǵaý úshin qurylǵan QR Ulttyq bankiniń uıymy.
Qor bank qyzmeti májbúrlep toqtatylǵan jaǵdaıda jeke tulǵalar men jeke kásipkerlerdiń aqshasyn qaıtarý boıynsha depozıtterge kepildik berý júıesine qatysýshy bankterdiń mindettemelerine kepildik beredi. Qazirgi ýaqytta depozıtterge kepildik berý júıesine 26 bank qatysýda.
