Elordada qazaqstandyq juldyzdar óner kórsetedi

ASTANA. QazAqparat - Astana ákimdigi Konstıtýtsııa kúnine oraı elorda turǵyndary men qonaqtaryna aýqymdy mádenı-oıyn-saýyq baǵdarlama ázirledi, dep habarlaıdy QazAqparat.

30 tamyz Konstıtýtsııa merekesin toılaý aıasynda Astanada kóptegen mádenı-buqaralyq sharalar men kontsertter ótedi.

11:00-de «Araı» saıabaǵynda Amfıteatrdyń saltanatty ashylýy bolady.

17:00-den 19:00-ge deıin Qazaqstan Respýblıkasynyń Konstıtýtsııasy kúni Ońtústik Qazaqstan oblysynyń mádenıet kúnderi aıasynda «EKSPO-ǵa Ońtústikten án shashý!» atty gala-kontsert ótedi.

18:00-den 23:00-ge deıin ákimdik ǵımaratynyń aldyndaǵy qalalyq alańda Qazaqstan Respýblıkasy Konstıtýtsııasy kúnine arnalǵan kontsert bolady.

Sondaı-aq, 18:00-den 23:00-ge deıin  ákimdik ǵımaratynyń aldyndaǵy qalalyq alańda (Beıbitshilik kóshesi 11) jáne «Báıterek» monýmentiniń alańynda qazaqstandyq ártisterdiń qatysýymen mádenı-oıyn saýyq baǵdarlamasy usynylady. Jınalǵandarǵa kópshiliktiń súıikti oryndaýshylary Erke Esmahan, Álı Oqapov, Shahrızat, Rınat Maltsagov, Kúláıim Qaıyrbaeva jáne taǵy da basqa ártister óner kórsetedi.