Elordada qazaq tilinde onlaın kontent jasaýshylardyń IV forýmy ótedi

NUR-SULTAN. QazAqparat - 7 aqpanda elordada qazaq tildi onlaın medıaǵa arnalǵan eń iri kásibı alań - QazForum is-sharasy ótedi, dep habarlaıdy QazAqparat.

Jyl saıyn forýmda qazaq tildi medıa salasyndaǵy úzdik sarapshylar, jýrnalıster, blogerler men vlogerler, veb-saıttardyń bas redaktorlary kásibı tájirıbesimen bólisý, sheteldik jáne jergilikti spıkerlerden bilim alý, beıresmı ortada qarym-qatynas qurý maqsatynda bas qosady.

«Bıyl forým aıasynda qazaq tildi onlaın kontentten aqsha tabý, Qazaqstan medıa naryǵyn damytý máselelerin talqylaý, sondaı-aq, jetekshi medıa sarapshylarynyń qatysýymen sheberlik sabaqtary men trenıngterdi ótkizý josparlanǵan», deıdi uıymdastyrýshylar.

Forýmǵa bastama berýshi jáne ıdeıa jaǵynan shabyt berýshi - Qazaqstan Respýblıkasyndaǵy AQSh Elshiligi, uıymdastyrýshy - Qazaqstan baspasóz klýby.

Tirkelý úshin jáne forým jaıly tolyǵyraq aqparatty myna siltemeden bilýge bolady.