Elordada karantın talaptaryn buzǵan 9 mekeme jaýapkershilikke tartyldy

NUR-SULTAN. QazAqparat – Elordada kásipkerlik nysandardyń karantın talaptaryn saqtaý jaǵdaıyn qadaǵalaý jalǵasyp jatyr. Monıtorıngtik top músheleri kúsheıtilgen rejımde jumys isteýde, dep habarlaıdy QazAqparat Nur-Sultan qalasy ákimdiginiń baspasóz qyzmetine silteme jasap.

«15 qazan kúni 9 elordalyq mekeme karantın talaptaryn buzdy. Almaty aýdanynda «Lapsha» meıramhanasy, «Kısh mısh», «Gentles» kafeleri, «Marmelad» laýndj-bary belgilengen jumys rejımin saqtaǵan joq. Saryarqa aýdanynda ornalasqan «Barvıha» laýndj-barynda, «Oina» oıyn klýbynda, «Ryba moeı mechty» karaokesinde de karantın sharalary buzyldy. Sondaı-aq, tártip buzýshylar tizimine Esil aýdanyndaǵy «Garage» meıramhanalyq kesheni men «Inforno» restobary endi», - delingen habarlamada.

Karantın talaptaryn buzý týraly málimetter ákimshilik shara qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa joldandy.

Qalalyq ákimdik óz kezeginde indet taralýynyń azaıǵanyna qaramastan, koronavırýstan qorǵanýdyń tásili vaktsına alý jáne sanıtarlyq talaptardy saqtaý ekenin eskertedi.