Elordada qala turǵyndaryn ıpoteka alyp beremiz dep aldap soqqan eki áıel ustaldy

NUR-SULTAN. QazAqparat – Búginde polıtsııaǵa alaıaqtardyń áreketinen zardap shekken 9 adam shaǵym túsirdi, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Máselen, ótken jyldyń sáýir aıynda elorda turǵyny alaıaqtarǵa aldanyp, 1,5 mıllıon teńgesinen aıyryldy. Alaıaqtar 2020 jyldyń jeltoqsan aıynda ıpoteka alamyz dep aldap, taǵy bir jábirlenýshiniń 4 mıllıon 490 myń teńge qarajatyn qaltaǵa basqan.

Aqshasynan aıyrylǵan qala turǵyndary polıtsııaǵa júgingen.

Jedel-izdestirý is-sharalary barysynda polıtsııa qyzmetkerleri 40 jáne 38 jastaǵy eki áıeldi ustady. Olardyń biri buryn osyǵan uqsas qylmys jasaǵany úshin sottalǵany anyqtaldy.

Kúdiktilerge qatysty QR Qylmystyq kodeksiniń 190-babynyń 3-bólimimen (iri kólemdegi alaıaqtyq jasaý) tergeý amaldary júrgizilýde. Sondaı-aq olardyń elorda aýmaǵynda osyǵan uqsas qylmystarǵa qatysy anyqtalyp jatyr.

Atalǵan tulǵalardyń zańǵa qaıshy áreketterinen zardap shekken azamattardy Nur-Sultan qalasy polıtsııa departamentiniń Orynbor, 9 mekenjaıy boıynsha ornalasqan «Esil» aýdandyq polıtsııa basqarmasyna júginýdi nemese tómendegi telefon nómirlerine habarlasýyn suraımyz: 8 [phone], 71-65-58, 71-65-50, nemese «102».