Elordada halyqaralyq Shevchenko oqýlary bastaldy

ASTANA. QazAqparat - Astanadaǵy L.N. Gýmılev atyndaǵy EUÝ-da VII Halyqaralyq Shevchenko oqýlary ótýde. Bul shara ýkraın aqyny Taras Shevchenkonyń 204 jyldyǵyna oraı uıymdastyrylyp otyr, dep habarlaıdy QazAqparat tilshisi.

«Biz jyl saıyn dúnıejúzilik Shevchenko oqýlaryn ótkizemiz, ıaǵnı bul sharalar barsha álemde uıymdastyrylady. Bul turǵyda Kanada, Ýkraına, Belarýs jáne Qyrǵyzstanmen turaqty baılanystamyz. Endi osymen jetinshi oqýlarǵa da jettik. Nege Qazaqstanda ótkizip jatyrmyz? Sebebi Qazaqstanda shevchenkotanýshylardyń shyǵys ortalyǵy qalyptasty. Elimizdegideı etnıkaaralyq kelisim modeli eshbir memlekette joq jáne ony bizdiń Prezıdent qurdy», - dedi QR Parlament Májilisiniń depýtaty, «Qazaqstan ýkraındarynyń radasy» ZTB tóraǵasy ıÝrıı Tımoşenko.

Atalǵan shara barysynda Ýkraına, Reseı jáne Qazaqstan ǵalymdary T. Shevchenko shyǵarmashylyǵy men murasy boıynsha baıandamalar jasady.

Budan buryn habarlanǵandaı, Astanada Taras Shevchenko eskertkishiniń jobasy bekitildi. 

Eskertkish nusqasy qorǵalyp, qabyldandy. Onda tutas kompozıtsııa qamtylǵan, dál ortasynda Taras Shevchenkonyń esketkishi ornalasady. Sonymen qatar, sol jaǵynda ýkraındyq eki tulǵanyń, al oń jaǵynda qazaqtyń eki tulǵasynyń beınesi qoıylady