Elordada Halyqaralyq ıoga kúnine oraı ashyq jattyǵý ótedi
ASTANA. KAZINFORM – Elordada 21 maýsymda 11-shi Halyqaralyq ıoga kúni – #IDY2025 atalyp ótedi. Mereke Botanıkalyq baqta ótedi, dep habarlaıdy Astana qalasy ákimdiginiń resmı saıty.
Іs-shara tańǵy saǵat 6:00-de bastalady. Oǵan qala turǵyndary men qonaqtary da qatysa alady.
Merekelik baǵdarlamada Úndistannan kelgen tájirıbeli jattyqtyrýshylarmen birge jattyǵý, sondaı-aq qatysýshylarǵa arnalǵan syılyqtar men sertıfıkattar qarastyrylǵan.
Ashyq jattyǵýǵa qatysý úshin ózińizben birge ıogaǵa arnalǵan tósenish pen bas kıim ala kelý kerek.
Іs-sharany uıymdastyrýshylar – Astanadaǵy Úndi mádenı ortalyǵy jáne Yoga Family Astana. Ol Astana qalasy ákimdiginiń qoldaýymen ótedi.
Qosymsha aqparat @iccr_astana Instagram paraqshasynan alýǵa bolady.
Eske sala keteıik, buǵan deıin Astanadaǵy Dostyq pen Qonaev kóshelerinde jóndeý jumystary júrgiziletinin jazǵan edik.