Elordada ǵımarat ishindegi qurylys materıaldary órtenip jatyr

Elordada salynyp jatqan nysanda qurylys materıaldary órtenip jatyr, dep habarlaıdy QazAqparat tilshisi.

Astana qalalyq tótenshe jaǵdaılar departamentiniń málimetinshe, búgin saǵat 15:08-de Esil aýdanynda, Hýseın ben Talal men Máńgilik el dańǵyly qıylysyndaǵy qurylys alańynda tútin shyqqany týraly habar túsken.

«Oqıǵa ornyna jetken órt sóndirýshiler salynyp jatqan ǵımarattyń 2-shi qabatynda boljamdy aýmaǵy 200 sharshy metr bolatyn qurylys materıaldarynyń janyp jatqanyn anyqtady. Órtti sóndirýmen Astana qalalyq TJM jeke quramynyń 20 mamany men 4 tehnıkasy aınalysyp jatyr. Aldyn ala málimetterge sáıkes, zardap shekkender men qaza tapqandar joq»,- dep atap ótedi vedomstvodan.