Elordada et jármeńkesi ótedi

ASTANA. KAZINFORM – Aldaǵy senbi-jeksenbi kúnderi (15-16 qarasha) Astanada et jármeńkesi ótedi, dep habarlaıdy Saýda jáne ıntegratsııa mınıstrliginiń baspasóz qyzmeti. 

Alash tasjoly boıynda ornalasqan «Kerýen joly» bazaryndaǵy et jármeńkesine Abaı, Aqmola, Túrkistan oblystary men Shymkent qalasynyń sharýalary qatysady. Fermerler iri qara etin deldalsyz saýdalaıdy. 

– Biz mundaı formattaǵy et jármeńkesin ótken jyly da ótkizgenbiz. Halyqtyń suranysy joǵary. Osy ýaqytta halyq soǵymǵa kelilep emes, iri-qarany tutas etimen alady. Óńirdegi tórt-túlik asyrap otyrǵan aǵaıyn osynda kelip etti deldalsyz satady. Sondyqtan baǵa da arzan, - dedi et jármeńkesin uıymdastyrýshy Aıtýǵan Kúzembaev.

Aldaǵy jármeńkede iri qara eti 2 700 teńgeden bastap 3 000 teńgege deıin satylmaq. Munda etten bólek áleýmettik mańyzy bar azyq-túlik taýarlarynyń qataryna jatatyn ónimderdi de arzan baǵada alýǵa bolady. 

Aıta ketý kerek, «Kerýen Joly» bazary – saýda zańnamasyndaǵy talaptarǵa saı salynǵan elordadaǵy zamanýı saýda nysandarynyń biri. 12 myń sharshy metrdi quraıtyn bazar et saqtaıtyn arnaıy muzdatqyshtarmen, laboratorııa, kelýshiler úshin keń kólik turaǵymen qamtylǵan. 

Buǵan deıin Astanada jastarǵa arnalǵan bos jumys oryndary jármeńkesi ótetinin habarlaǵanbyz.