Elordada esirtki jarnamalaryn óshirý is-sharasy ótti
ASTANA. KAZINFORM – Elordanyń Almaty aýdanynda quqyq buzýshylyqtyń aldyn alý is-sharasy ótti, dep habarlady Astana ákimdiginiń resmı saıty.
Reıdtik is-sharany Almaty aýdanynyń ákimdigi, prokýratýrasy jáne polıtsııa basqarmasy uıymdastyrdy. «Jastar resýrstyq ortalyǵy» kommýnaldyq memlekettik mekemesine qarasty volonterler de kómekke keldi.
«Búgingi is-sharanyń naqty baǵyty – narkotıkalyq jáne sıntetıkalyq zattardyń jarnamasyn joıý. ıAǵnı, aýdandaǵy úıler men mekemelerdiń qabyrǵalaryna, trotýarlar men jolǵa jazylǵan, narkotıkalyq jáne sıntetıkalyq zattardyń jarnamasy bolýy múmkin túrli graffıtı, QR-kodtar, jazbalar, sýretter óshirildi. Ár núktelerge baryp, sýretter men jazbalardy óshirýge bizge volonterler de qol ushyn berýde. Qazirgi kezde jazbalar men sýretterdiń polıtsııa anyqtaǵan 15-ke jýyq túri belgili. Bundaı belgisi bar graffıtı, QR-kodtardy birden óshiremiz. Sondaı-aq basqa da syzbalardy tazalaımyz, óıtkeni bul vandalızmge jatady», - dedi Almaty aýdany ákimdigi ishki saıasat bóliminiń basshysy Aıbyn Aıdynuly.
Eske sala keteıik, buǵan deıin Astanada 2 jyldan beri jasyryn jumys istegen maınıng fermasy anyqtalǵanyn jazǵan edik.
