Elordada erekshe qajettiligi bar adamdarǵa arnalǵan II shahmat olımpıadasy bastaldy
ASTANA. KAZINFORM — Búgin Astanadaǵy Paralımpıada jattyǵý ortalyǵynda erekshe qajettiligi bar adamdarǵa arnalǵan Ekinshi shahmat Olımpıadasynyń (2nd Chess Olympiad for People with Disabilities) jalaýy jelbiredi.
Ashylý saltanatyna Memlekettik keńesshi Erlan Qarın qatysty. Ol QR Prezıdenti Qasym-Jomart Toqaevtyń Olımpıada qatysýshylaryna arnalǵan quttyqtaý hatyn oqyp berdi.
Memleket basshysy óz joldaýynda Qazaqstannyń ınklıýzıvtilik qaǵıdatyna negizdelgen shahmatty jan-jaqty damytý bastamasyn belsendi qoldaıtynyn atap ótti.
Sondaı-aq, Qazaqstan shahmat federatsııasynyń prezıdenti Tımýr Týrlov jáne Halyqaralyq shahmat federatsııasynyń (FIDE) prezıdenti Arkadıı Dvorkovıch quttyqtaý sóz sóıledi.
Saltanatty ashylý saltanatynan keıin, QR Memlekettik keńesshisi jáne QR shahmat federatsııasynyń prezıdenti alǵashqy júris jasap, Olımpıadany resmı bastady.
Іs-sharany uıymdastyrýshylar: Halyqaralyq shahmat federatsııasy (FIDE), Qazaqstan shahmat federatsııasy (Kazchess), QR Týrızm jáne sport mınıstrligi, Astana qalasynyń ákimdigi, QR Ulttyq paralımpıada komıteti. Olımpıadaǵa Freedom Holding, Freedom Shapaǵat korporatıvtik qory, Air Astana qoldaý kórsetti.
Osyǵan deıin habarlaǵanymyzdaı, Olımpıadaǵa 29 eldiń 34 komandasy qatysady.