Elordada emhanaǵa erkin tirkelý naýqany jalǵasyp jatyr
Qazirgi ýaqytta astanalyqtar alǵashqy medıtsınalyq-sanıtarlyq kómek kórsetetin 38 medıtsınalyq uıymǵa tirkele alady. Olardyń 16-sy – memlekettik, qalǵany – jekemenshik klınıkalar. Barlyq emhanalar aýmaqtyq qaǵıdat boıynsha jumys isteıdi jáne patsıent emhananyń qyzmet kórsetý aýmaǵynda turǵan kezde ǵana úıde medıtsınalyq kómek kórsetiledi. Bul ýchaskelik dárigerdiń nemese mobıldi brıgadanyń kómegi qajet bolǵan jaǵdaıda onyń jedel jetýine, sondaı-aq, otbasy músheleriniń bir dárigerge qaralýyna múmkindik beredi.
Alǵashqy medıtsınalyq-sanıtarlyq kómek uıymyna tirkelgen patsıent ýchaskelik dárigerdiń qabyldaýy, óziniń densaýlyq jaǵdaıyn baqylaý, ambýlatorııalyq dári-dármekpen qamtamasyz etý, skrınıngtik tekserýler, dıagnostıkalyq zerthanalyq jáne aspaptyq zertteýler syndy medıtsınalyq kómekterge qol jetkizip, qajet jaǵdaıda aýrýhanaǵa jatqyzýǵa joldama alady.
«Tirkeý naýqany kezinde azamattar ózi turatyn aýmaq sheńberindegi memlekettik qana emes, jekemenshik klınıkalarǵa da tirkele alady. Ol úshin emhana Medıtsınalyq saqtandyrý qorynyń jetkizýshiler tiziminde bolýy tıis. Bıylǵy naýqan barysynda emhana aýystyrǵan azamattar ózi tańdaǵan emdeý mekemesiniń qyzmetin 2023 jyldyń 1 qańtarynan bastap paıdalana alady. Jalpy, emhana aýystyrý mindetti emes. Burynǵy emhana qyzmetine kóńili tolatyn azamattar ári qaraı da sol klınıkanyń qyzmetin paıdalana berse bolady», - deıdi «Áleýmettik medıtsınalyq saqtandyrý qory» KEAQ Astana qalasy boıynsha fılıalynyń dırektory Nurlybek Qabdyqaparov.
Medıtsınalyq kómeksiz qalmaýy úshin azamattar turǵylyqty jeri boıynsha emhanada nemese elektrondyq úkimet veb-portalyndaǵy jeke derekterde (ETsQ arqyly avtorızatsııalaý) tirkelý mártebesin tekserýi qajet.
«Tirkelý ornynda maman-dárigerdi tańdaý ýchaskedegi tirkelgen turǵyndardyń sanyn esepke ala otyryp, júzege asyrylady. Jalǵan aqparat berilgen jaǵdaıda; patsıenttiń naqty turý mekeni emhananyń qyzmet kórsetý aımaǵynan tys jerde ornalasqandyǵy anyqtalǵan ýaqytta; jalpy praktıka dárigerine tirkelgen halyqtyń sany 1700 adamnan, ýchaskelik pedıatrǵa – 0-den 6 jasqa deıingi 500 baladan, 0-den 14 jasqa deıingi 900 baladan asyp ketken jaǵdaıda; tirkeletin tulǵanyń zańdy ókildigin rastaıtyn qujat bolmaǵan kezde emhanaǵa tirkeýden bas tartýy múmkin. Emhanaǵa tirkeý nemese tirkeýden dáleldi bas tartý 1 jumys kúni ishinde oryndalady» - dep túsindiredi №9 qalalyq emhana ókili Maıra Sarbasqyzy Ryspaeva.
Esterińizge salamyz, tirkeý naýqanyna Áleýmettik medıtsınalyq saqtandyrý qorynyń málimetter bazasyna engen emdeý mekemeleri ǵana qatysady. Olardyń tolyq tizimimen qordyń resmı saıtynyń «Emhana tańdaý» bóligi arqyly tanysýǵa bolady.