Elordada eki kúnde 217 jol-kólik apaty boldy

NUR-SULTAN. QazAqparat – Elordada ótken eki táýlikte 217 jol-kólik oqıǵasy tirkelgen, dep habarlaıdy QazAqparat Polisia.kz-ke silteme jasap.

Elorda aýmaǵynda kún raıynyń sýytýyna jáne jaýyn-shashynnyń mol túsýine baılanysty jol apattarynyń sany kúrt artqany baıqalady. Tek ótken eki táýlik ishinde 217 jol-kólik oqıǵasy bolǵan.

2 qarashada 23 jastaǵy júrgizýshi S.Seıfýllın kóshesinde kele jatyp, kóktaıǵaqta rýlge ıe bola almaı qalyp, qarsy jolaqqa shyǵyp ketken. Saldarynan qarsy baǵyttaǵy marshrýttyq avtobýspen jáne avtokólikpen soqtyǵysqan. Apattan zardap shekken adamdar bar.

«Ókinishke oraı, jol kólik oqıǵasyna qatysýshylar apat týraly polıtsııaǵa habarlamaı oqıǵa ornynan ketip qalý jaǵdaılary jıi kezdesedi. Jyl basynan beri elordada júrgizýshiler oqıǵa ornynan qashyp ketken 3 myńǵa jýyq jol-kólik oqıǵasy tirkeldi», - delingen polıtsııa málimetinde.