Elordada EAEO biryńǵaı qarjy keńistigi máseleleri talqylanýda
Mektep qarjylyq qyzmetterdiń erkin qozǵalysy úshin jalpy qarjylyq keńistikti qalyptastyrýǵa, benefıtsıarlardy qorǵaýdy qamtamasyz etýge, sondaı-aq qarjylyq qyzmetterdiń spektrin keńeıtýge jáne odaqqa qatysýshy elderdiń turǵyndary úshin qoljetimdiligin arttyrýǵa qabiletti bilikti sarapshylar pýlynyń áleýetin arttyrýǵa arnalǵan.
Ashylý rásimine Reseı men Belarýs elderiniń Tótenshe jáne Ókiletti Elshileri, «Astana» Halyqaralyq qarjy ortalyǵynyń (AHQO) jáne Halyqaralyq ister jónindegi Reseı Keńesiniń basshylyǵy, sondaı-aq qarjy salasyndaǵy sarapshylar qatysty.
«Astana» halyqaralyq qarjy ortalyǵynyń damý qarqyny úlken áser qaldyrady, óıtkeni bul jerde aldyńǵy qatarly qarjylyq tehnologııalar men kásibı damý baǵdarlamalaryn qurý boıynsha úzdiksiz jumys júrip jatyr. Búgingi saraptamalyq mektep taqyrybynyń ózektiligi - «EEO qarjy keńistiginiń qalyptasýy men ıntegratsııalyq úderisindegi AHQO róli» - kúmán týdyrmaıdy. EEO kún tártibinde ıntegratsııany damytý boıynsha josparlar 2025 jylǵa deıin jazylǵan. AHQO EEO aıasynda qurylǵan turaqty ekonomıkalyq ósýdi qamtamasyz etýge baǵyttalǵan tetikterdi úılesimdi tolyqtyratynyna senimdimin», - dedi Reseıdiń Qazaqstandaǵy Tótenshe jáne Ókiletti Elshisi Alekseı Borodavkın.
Al Belarýs Respýblıkasynyń Qazaqstandaǵy Tótenshe jáne Ókiletti Elshisi Alekseı Nıchkasovtyń aıtýynshaAHQO Eýrazııalyq ekonomıkalyq komıssııamen belsendi dıalog júrgizýde.
«AHQO Eýrazııalyq ekonomıkalyq komıssııamen belsendi dıalog júrgizýde. EEO elderi aldynda ortaq mindet tur, ol - 2025 jylǵa qaraı qarjy naryqtaryn retteý salasyndaǵy zańnamany úılestirý. AHQO jańa tásilder men jańa quraldardy testileý alańyna aınalady dep oılaımyn. Mektep aıasynda alǵan bilim Odaq elderine paıda ákeledi dep senemin. Sondaı-aq, mektep qorytyndysy odaqqa qatysýshy elderdegi ıntegratsııalyq úderisterge jáne AHQO qyzmetine jaqsartýlar ákeledi dep úmittenemin», - Alekseı Nıchkasov.
«AHQO bıýrosynyń mıssııasy AHQO ekojúıesinde jumys isteı alatyn kásibı mamandardyń synı massasyn qalyptastyrý bolyp tabylady. Sońǵy eki jylda biz qarjy, esep jáne aýdıt, jobalyq menedjment, fintech baǵyttary jáne t. b. salalarda bir jarym myń mamandardy tabysty oqytyp, qaıta daıarladyq.
TMD aýmaǵyndaǵy birinshi jáne biregeı alań retinde AHQO EEO qarjy naryǵyn damytý úshin jańa perspektıvalar ashady jáne tek Qazaqstan ǵana emes, Eýrazııalyq ekonomıkalyq odaq elderiniń ekonomıkasyna sheteldik ınvestıtsııalardy tartý úshin ekojúıeni qurady dep senemiz», - dedi AHQO Ákimshiligi» AQ Basqarma Tóraǵasynyń orynbasary Ernur Rysmaǵambetov.
Aıta ketsek mundaı mektep segizinshi ret ótkizip jatyr.
«Biz mundaı mektepti segizinshi ret ótkizip jatyrmyz, osy ýaqyt ishinde EEO elderinde jalpy Odaq taqyrybymen, sondaı - aq onyń naqty aspektilerimen - eýrazııalyq ıntegratsııanyń basymdyqtary men quraldarymen, aǵymdaǵy jetistikterdi boljaý men baǵalaýmen, Eýrazııalyq ıntegratsııalyq taqyrypty oqytý tásilderimen tanys jas mamandar pýly qalyptasty. Qarjy-ınvestıtsııalyq taqyryp óte mańyzdy bolyp tabylady jáne biz AHQO-men áriptestikte sarapshylardy osy saladaǵy jańa múmkindikter týraly habardar ete alatynymyzǵa jáne olardan osy múmkindikterdi iske asyrý boıynsha taldaý men usynystar ala alatynymyzǵa qýanyshtymyz», - dedi RSMD baǵdarlamalyq dırektory Ivan Tımofeev.
Sarapshylar mektebine Qazaqstan, Armenııa, Belarýs, Qyrǵyzstan jáne Reseıden 140-tan astam ótinish kelip tústi. Konkýrstyq irikteý negizinde 20-dan astam sarapshy mektepte oqýǵa shaqyrý aldy. Olardyń ishinde álemniń aldyńǵy qatarly ýnıversıtetteriniń magıstrleri, halyqaralyq kásibı sertıfıkattardyń ıegerleri, úzdik ǵylymı jýrnaldardyń jarııalanymdarynyń avtorlary, qarjy, bilim berý, taldaý salasyndaǵy basqarýshylar men menedjerler, sondaı-aq Eýrazııalyq ekonomıkalyq ıntegratsııa taqyrybyna qyzyǵýshylyq tanytqan zertteýshiler men memlekettik qyzmetkerler bar.
Oqytýshylar men spıkerler arasynda qarjy, ekonomıka jáne halyqaralyq qatynastar salasyndaǵy, EEO aýmaǵynda qyzmetti júzege asyrý salasynda úlken tájirıbesi men bilimi bar jetekshi sarapshylar.
Qatysýshylardy «AHQO ekojúıesi», «biryńǵaı bırjalyq keńistikti qalyptastyrý jáne onyń álemdik bırjalyq saýdaǵa kirigýi», «Qarjy naryǵy men qarjy tehnologııalaryn damytýdyń jahandyq syn-qaterleri men úrdisteri», «EAEO qarjy naryǵynyń halyqaralyq standarttaryn qalyptastyrýdaǵy adamı kapıtaldyń jáne kásibı damýdyń róli» jáne t. b. taqyryptarda dáris kútedi.
Oqý barysynda sondaı-aq, forsaıt-jobalardy júzege asyrý jáne EEO múshe-memleketteri arasyndaǵy qarjylyq ıntegratsııa salasynda naqty usynystar jasaýǵa ákeletin tusaýkeserlerdi daıyndaý boıynsha pikirtalastar, praktıkýmdar jáne master-klastar ótedi.
Anyqtamalyq aqparat:
«Astana» halyqaralyq qarjy ortalyǵy (AHQO) Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen qurylǵan. AHQO qurý týraly Konstıtýtsııalyq zańǵa 2015 jylǵy 7 jeltoqsanda qol qoıyldy. AHQO maqsaty - halyqaralyq deńgeıdegi qarjylyq qyzmetterdiń jetekshi ortalyǵyn qalyptastyrý. AHQO-nyń mindetteri el ekonomıkasyna ınvestıtsııalar tartýǵa járdemdesý, qarjylyq qyzmet kórsetý salasynda ınvestıtsııalaý úshin tartymdy orta qurý, Qazaqstan Respýblıkasynyń Baǵaly qaǵazdar naryǵyn damytý jáne onyń halyqaralyq kapıtal naryqtarymen ıntegratsııalanýyn qamtamasyz etý bolyp tabylady.
AHQO Bıýrosy (BCPD Ltd.) kadrlyq áleýetti keńeıtý jáne AHQO eko-júıesinde jáne ashyq naryqta jumys isteý úshin jergilikti mamandardan halyqaralyq deńgeıdegi kásibı mamandar pýlyn qalyptastyrý maqsatynda úzdiksiz kásibı damý salasyndaǵy úzdik álemdik tájirıbelerdi qoldana otyryp, halyqaralyq kásibı sertıfıkattaýǵa daıarlaýǵa mamandanǵan.
Astana International Campus (AIC), EKSPO aýmaǵyndaǵy AHQO ınfraqurylymynyń bir bóligi bola otyryp, BCPD Ltd halyqaralyq jáne jergilikti seriktesteri úshin kásibı ınteraktıvti mýltımedııalyq alań bolyp tabylady. Kampýs qyzmeti úzdiksiz kásibı damý bastamalaryn qoldaýǵa, adamı kapıtaldy damytýǵa, taqyryptyq kontentti qalyptastyrýǵa jáne tıimdi ózara is-qımyl jasaý úshin kásibı alańdardy uıymdastyrýǵa baǵyttalǵan.
Halyqaralyq ister jónindegi Reseı keńesi - syrtqy saıası mindetterdi sheshýde memleket, sarapshylar qoǵamdastyǵy, bıznes jáne azamattyq qoǵam arasyndaǵy baılanystyrýshy býyn. ÁІÚ qyzmeti halyqtar arasyndaǵy beıbitshilikti, dostyq pen kelisimdi nyǵaıtýǵa, halyqaralyq qaqtyǵystardyń aldyn alýǵa jáne daǵdarysty retteýge baǵyttalǵan.
