Elordada dámhanada bolǵan órt kezinde eki adam qutqaryldy

ASTANA. KAZINFORM – Astanada TJM qyzmetkerleri órt kezinde 2 adamdy qutqardy.

- Almaty aýdanynda Táýelsizdik dańǵyly men Aqyrtas kóshesiniń qıylysynda 2 qabatty dámhananyń bılıard bólmesinen órt shyqty. Kelgen qutqarýshylar órtti jedel túrde sóndirip, baspaldaqtyń kómegimen ǵımarattyń shatyry arqyly dámhananyń 2 qyzmetkerin qutqardy. Ǵımaratta bolǵan adamdar órt sóndirýshiler kelgenge deıin ózderi dalaǵa shyqqan, - delingen taratylǵan málimette.

Órt saldarynan zardap shekkender joq. Qazir órttiń sebebi anyqtalyp jatyr.

Eske salsaq, 22 maýsymda Astanadaǵy órtke baılanysty 17 qabatty úıdiń turǵyndary evakýatsııalanǵan.