Elordada «Dala qyrandary» respýblıkalyq týrnıri ótip jatyr
Astanadaǵy Jaqsylyq Úshkempirov atyndaǵy Jekpe-jek saraıynda «Dala qyrandary» respýblıkalyq týrnıriniń saltanatatty ashylýy ótti, dep habarlaıdy Kazinform.
Sport sharasynyń saltanatty ashylý rásimine sport jáne dene shynyqtyrý isteri komıtetiniń tóraǵasy jáne «Qazaq kuresi» qaýymdastyǵynyń prezıdenti Erbol Myrzabosynov, «Qazaq kuresi» qaýymdastyǵynyń bas dırektory Erlan Estek jáne sala ardageri Serik Tókeev qatysty.
Atalmysh týrnır 2021 jyldan beri ótkizilip keledi.
Búginderi bul jarys qazaq kúresi álemindegi eń mańyzdy oqıǵalardyń birine aınalyp úlgerdi.
Jarys tek úzdik balýandardy bir kilemde jınap qana qoımaı, sonymen qatar qazaq kúresiniń ulylyǵy men tereńdigin kórsetedi.
Dástúrli týrnırde jyl boıǵy reıtıngtik jarystarda 8 salmaq dárejesinde joǵary upaı jınaǵan 64 balýan synǵa túsýde.
Olardyń qatarynda Bekjan Tólepov, Marat Nıgmatýllaev, Beket Júnis, Erjan Erenqaıypov jáne Jumajan Qojambekov syndy álem jáne Azııa chempıonatynyń, álem kýboginiń, Dúnıejúzilik kóshpendiler oıynynyń jeńimpaz-júldegerleri bar.
