Elordada Comic Con Astana-2025 festıvali bastaldy
ASTANA. KAZINFORM — Ortalyq Azııanyń eń iri pop-mádenıet sharasyna álemniń túrli elderinen kelgen myńdaǵan jankúıer bas qosady.
Búgin Qazaqstan astanasynda Comic Con Astana-2025 — TMD men Ortalyq Azııadaǵy eń iri pop-mádenıet festıvali bastaldy. Bıylǵy is-shara 9-13 shilde aralyǵynda ótedi jáne 75 000-nan astam kelýshi, onyń ishinde kem degende 10 000 sheteldik týrıst keledi dep kútilip otyr.
Comic Con Astana komıks, kıno, oıyn jáne pop-mádenıetti súıetinder úshin kreatıvti ındýstrııanyń mańyzdy oqıǵasy jáne Ortalyq Azııadaǵy eń iri jáne eń tanymal gık-festıval retinde tanyldy.
Festıvalge elimizben qatar, shet memleketterden de úlken aýdıtorııa keledi. Bul shara týrıstik destınatsııany damytyp, Nıý-Iork, San-Dıego jáne Dýbaıdaǵy Comic Con festıvalderi sııaqty aýqymdy is-sharalardyń ortalyǵy retinde Astananyń ımıdjin nyǵaıtady.
Comic Con Astana-2025 Astana ákimdigi men «Astana Tourism» týrızmdi damytý ortalyǵynyń qoldaýymen birden eki aýqymdy alańda ótedi.
«Barys Arena» —shoý baǵdarlamanyń ortalyǵy, munda halyqaralyq kospleı baıqaýy ótedi, qoltańba-sessııalary, Q& A jáne hedlaınerlermen kezdesýler ótetin basty sahna ornalasqan.
«Astana Arena» — taqyryptyq stendter, brendtelgen ınstallıatsııalar, shaǵyn sahna, oıyn aımaǵy jáne Pop Asia bar úlken kórme aımaǵy.
Bıylǵy festıvalge birden úsh Gollıvýd juldyzy qatysady.
Endı Serkıs — brıtandyq akter jáne rejısser, motion capture novatory («Saqınalar ámirshisi», «Maımyldar planetasy», «Juldyzdy soǵystar»,
Esaı Morales — 40 jyl boıy kınoǵa túsip júrgen Gollıvýd juldyzy («Ozark», «Tıtandar», «Oryndalmaıtyn mıssııa», «La Bamba»).
Skott Edkıns — akter jáne jekpe-jek sheberi («Neosporımyı» fılmder serııasy, «Djon Ýık 4», «Doktor Strendj», «Ip Man 4»).
Barlyq hedlaınerler qoltańba sessııalaryn, Q& A sessııalaryn ótkizedi jáne baspasóz konferentsııalaryna qatysady.
Festıvalde álemdik prokat jáne Netflix jahandyq strımıngtik servısi úshin túsirilgen Qazaqstan men Ispanııanyń alǵashqy birlesken týyndysy «Peremırıe» ((La Tregua) fılminiń tusaýkeseri ótedi. Fılm Karlagtyń qaıǵyly oqıǵasyn baıandaıdy. Comic Con Astana-ǵa fılmniń rejısseri Mıgel Anhel Vıvas («Qaǵaz úı») jáne prodıýseri Emılıo A.Pına (Premios Goya) keledi.
Baǵdarlamanyń dástúrli elementi júlde qory 15 mıllıon teńge bolatyn halyqaralyq kospleı baıqaýy bolady. Qazylar alqasynyń quramynda ıAıa Han (AQSh), Cinderys (Frantsııa), Ran Hime (Qyrǵyzstan), Frau Haku (Reseı), Ainaven Elf! (Qazaqstan), Danik (Qazaqstan), Midday of Siberia (Reseı) jáne t. b. bar.
Festıvaldiń arnaıy qonaqtary — Marmok, Qewbite, Anton Mıls, Johan, Eugene Sagaz, Nastıa Djekson, Big Gleb, Metal Family avtorlary jáne basqa da juldyzdar.
Sondaı-aq, is-shara barysynda «faıtıng»janryndaǵy Tekken 8 kompıýterlik oıynynan TEKKEN World Tour 2025 halyqaralyq týrnıriniń resmı kezeńi ótedi. 90-nan astam oıynshy reıtıngtik upaılar men 400 000 teńge júlde qory úshin jarysady.
— Comic Con Astana–bul adamdar, jańa kezdesýler jáne shyǵarmashylyq energııasy. Jyl saıyn festıval damyp, búkil álem úshin ashylyp jatyr: jańa aımaqtar men formattar paıda bolýda, álemdik deńgeıdegi juldyzdar keledi, ártúrli elderden qonaqtar Astanaǵa kelip, qaýymdastyqtyń bir bóligine aınalyp otyr. Biz úshin barlyq qonaqtyń osy jerden shabyt alyp, pikirles adamdardy tapqany óte mańyzdy.
Sonymen qatar, festıval —keń aýdıtorııaǵa zamanaýı jastar mádenıeti týraly aıtýdyń jáne ata-analardy balalardyń qyzyǵýshylyqtarymen tanystyrýdyń tásili. Bizge búkil otbasy bolyp, úlkender jastardy qoldap kelgende, olardyń bári osy úlken shoýdyń bir bóligine aınalǵanyna biz erekshe qýanyshtymyz, — dep atap ótti festıvaldiń bas prodıýseri Natalıa Abrashkına.
Festıvalde kóptegen taqyryptyq aımaqtar men jarqyn seriktestik ıntegratsııalar bolady, olardyń árqaısysy qonaqtarǵa erekshe tájirıbe beredi.
Visa — kreatıv pen ózin erekshe kórsetkisi keletinderdi qoldaıtyn Comic Con 2025 resmı seriktesi.
— Biz bılet satyp alýdan bastap, kospleıge qatysýǵa deıingi kishkentaı qadamdar úlken múmkindikter men shabyttandyratyn oqıǵalarǵa jol ashatynyna senimdimiz, — dep atap ótti kompanııa ókilderi.
Festıval aıasynda Freedom Bank jáne Visa tólem júıesi qonaqtarǵa taqyryptyq fotoaımaqtar, eksklıýzıvti kartalar, brendtelgen merch jáne kóptegen jaǵymdy tosynsyılar daıyndady. Sonymen qatar, halyqaralyq kospleı baıqaýy aıasynda Freedom Bank jáne Visa-dan arnaıy nomınatsııa beriledi.
Festıvalge I’m jyldam qyzmet kórsetetin meıramhanalar jelisi oralady. Bıyl festıval alańynda alǵash ret dámin tatyp kórýge bolatyn french-dog naǵyz gastronomııalyq jańalyq bolmaq. Sondaı-aq, qonaqtardy jarqyn kadrlar úshin stıldi foto aımaq jáne jaǵymdy tosyn syılary bar utys oıyny kútedi.
Perfetti Van Melle aty ańyzǵa aınalǵan Chupa Chups brendin usynady. Brend aımaǵynyń qonaqtaryn jarqyn fotosýretterge arnalǵan Chupa Chups fırmalyq stılindegi keremet ınstallıatsııalar, sonymen qatar barlyǵyna baqyt pen balalyq shaqtyń dámin eske salatyn tosynsyılar men syılyqtar kútedi.
Aıta ketelik, Astananyń Turan dańǵylynda qozǵalys ýaqytsha shekteledi.