Elordada bir kúnde 10 oıyn-saýyq orny karantın talaptaryn buzǵan

NUR-SULTAN. QazAqparat - Elordanyń monıtorıngtik toptary kásipkerlik nysandary arasynda karantın sharalarynyń saqtalýyn kúndelikti tekserýde. Reıdter qalanyń júzden astam mekemesin qamtıdy, olardyń keıbirinde sanıtarlyq normalardy buzý júıeli túrde anyqtalyp keledi, dep habarlaıdy QazAqparat qala ákimdiginiń resmı saıtyna silteme jasap.

29 qyrkúıekte elordada karantındi buzǵan 10 mekeme anyqtaldy.

Almaty aýdanynda ornalasqan «Panaehalı» barynda, «Sova» karaoke-barynda jáne «Alanya» túngi klýbynda belgilengen jumys rejımi saqtalmaǵan.

Baıqońyr aýdanynda karantındi buzý faktisi «Panaehalı» barynda tirkeldi.

Esil aýdanynda buzýshylar tizimine 6 qoǵamdyq tamaqtaný orny kirdi: «the DYM» laýndj-bary, «Respublika», «Derby pub», «Panaehalı», «TEQUILA» barlary jáne «INFORNO» meıramhanasy bar.

Tártip buzýshylarǵa qatysty jınalǵan materıaldar tıisti ákimshilik sharalar qabyldaý úshin sanıtarııalyq-epıdemıologııalyq baqylaý salasyndaǵy ýákiletti organǵa tapsyryldy.

Aıta ketý kerek, COVID-19 kórsetkishiniń tómendeýine qaramastan Nur-Sultan epıdemıologııalyq ahýaldy baǵalaý boıynsha «qyzyl» aımaqta qalyp otyr. Pandemııany toqtatý jáne karantındi jeńildetý úshin elorda turǵyndary men qonaqtary vaktsınatsııadan ótip, sanıtarlyq normalardy – maska rejımin, áleýmettik qashyqtyqty, qol gıgıenasyn qatań saqtaýy kerek.