Elordada belgisiz er adam mınıstrlikter úıin órtemek boldy

ASTANA. KAZINFORM – Búgin tańǵy saǵat 8 shamasynda Astanadaǵy mınıstrlikter úıiniń 11-kireberisinde órt shyqty. Belgisiz er adam Oqý-aǵartý mınıstrliginiń ǵımaratyna kirip, týrnıketke janǵysh qospa laqtyrǵan. 

– Mınıstrlikter úıiniń kireberisinde órt shyǵarǵan 24 jastaǵy azamat anyqtalyp, polıtsııa qyzmetkerleri ustady. Atalǵan fakt boıynsha sotqa deıingi tergep-tekserý bastaldy. Oqıǵanyń mán-jaıy anyqtalyp jatyr, – dep habarlady Astana qalalyq polıtsııa departamentiniń baspasóz qyzmeti.

Órtti qalalyq tótenshe jaǵdaılar departamentiniń qyzmetkerleri jedel sóndirgen. Sondaı-aq vedomstvonyń málimetinshe, zardap shekkender joq.

Eske salsaq, elordada bir kúnde 4 bala terezeden qulap, ekeýi mert boldy.