Elordada «Ashyq» jobasy úı karantınin buzýdyń 3 910 deregin anyqtady
«Elordanyń sanıtarııalyq-epıdemıologııalyq baqylaý departamenti qyzmeti tutynýshymen tikeleı baılanysta bolatyn bıznes sýbektilerin báseńsimeýge shaqyrady. Sebebi, jazylyp shyqqan adam qaıtadan vırýstyń tasymaldaýshysy bola alady. Bul degenimiz, aldyn-alý is-sharalaryn saqtaý, betperde kııý, qashyqtyqty saqtaý, qoldy dezınfektsııalaý kerek degen sóz. Bul ózi úshin ǵana emes, sonymen qatar aınalasyndaǵy adamdar, týystar, tanystar, áriptester úshin de qajet. Degenmen, barlyǵy derlik túsine bilmeıdi. Óıtkeni, qańtar aıynyń ózinde «Ashyq« jobasyna qatysýshy nysandarda úı karantınin buzǵan 3 910 kelýshi anyqtaldy: 3837 kelýshi «qyzyl« jáne 73 adam «sary« mártebege ıe. Pandemııamen kúreste siz jasaı alatyn mańyzdy úles - bul barlyq karantındik is-sharalardy qatań saqtaý jáne áleýmettik jaýapkershiliktiń joǵary deńgeıin kórsetý», - dedi Sarhat Beısenova.
Onyń atap ótýinshe, koronavırýstyń taralýyn boldyrmaýdyń eń senimdi ádisi vaktsınatsııa jáne ujymdyq ımmýnıtetti qalyptastyrý ekendigin álemdik tájirıbe kórsetip otyr.
«Jalǵyz, ári tıimdi ádis - vaktsınatsııa men revaktsınatsııadan ótkenderdiń qataryna qosylý jáne ony basqalarǵa úlgi retinde kórsetý. Sizdiń búgingi jasaǵan senimdi áreketińiz erteńgi kúni salaýatty ulttyń kepili bolmaq. Tek osylaı ǵana biz óz kásiporyndarymyzdy saqtaı alamyz. Basqalardyń ómiri men densaýlyǵyn saqtaıyq, pandemııanyń taralýyn toqtataıyq», - dedi bas sanıtar dáriger.
