Elordada Álı Bektaev otbasymen birge daýys berdi

ASTANA. QazAqparat – «Aýyl» partııasynyń tóraǵasy Álı Bektaev elordanyń 113 saılaý ýchaskesinde daýys berdi, dep habarlaıdy QazAqparat tilshisi.

Partııa jetekshisi saılaýǵa otbasymen keldi.

Eske salsaq, buǵan deıin Memleket basshysy, Úkimet basshysy jáne Senat tóraǵasy taǵy da basqa tulǵalar Májilis pen máslıhattar saılaýynda óz tańdaýlaryn jasady.

QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń 69 depýtaty, bir mandatty aýmaqtyq saılaý okrýgteri boıynsha – 29 depýtat saılanady.

19 qańtarda Memleket basshysy Qasym-Jomart Toqaev jetinshi saılanǵan QR Parlamentiniń Májilisin taratý jáne 19 naýryz kúni Parlament Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıǵan edi. Bul kúni Májilispen qatar máslıhat depýtattaryn da kezekten tys saılaý usynyldy.