Elordada álemniń úzdik sportshylary bas qosady

ASTANA. KAZINFORM — 17-21 jeltoqsan aralyǵynda elordadaǵy «Beeline Arena» sport kesheninde Astana International Challenge 2025 halyqaralyq badmınton týrnıri ótedi.

Bul jarys – maýsymnyń mańyzdy jarystarynyń biri jáne Dúnıejúzilik badmınton federatsııasynyń (BWF) resmı kúntizbesine engizilgen.

Týrnırge AQSh, Kanada, Aýstralııa, Jańa Zelandııa, Japonııa, sondaı-aq Eýropa men Azııa elderinen kelgen 43-ten astam memleket ókilderi qatysady.

Astana International Challenge – BWF International Challenge Series halyqaralyq serııasynyń bir bóligi, onda sportshylar álemdik reıtıngke qajetti upaılardy sarapqa salady.

Kóptegen qatysýshy úshin bul jarys Olımpıada tsıkli men iri halyqaralyq chempıonattarǵa daıyndyq jolyndaǵy mańyzdy kezeń bolmaq.

Týrnırdiń Astanada ótýi Qazaqstannyń álemdik badmınton kartasyndaǵy ornyn odan ári nyǵaıta túsedi.

Uıymdastyrýshylar jarystyń joǵary deńgeıde daıyndalǵanyn jáne jastar arasynda badmıntonǵa degen qyzyǵýshylyqtyń artyp kele jatqanyn atap ótti.

Aıta ketelik Denıs Evseev Pákstandaǵy chellendjer týrnıriniń shırek fınalyna shyqty.