Elordada ákeler keńesi ótti
Uıymdastyrýshylardyń aıtýynsha, alǵash qyrkúıek aıynyń aıaǵynda astanalyq 80-nen astam bilim berý uıymdarynyń qatysýymen, elordalyq ákelerdiń iskerlik kezdesýi ótkizildi. Kezdesý barysynda astanalyq ákeler aktıvi 2019-2020 oqý jylynyń birinshi jartyjyldyǵyna arnalǵan is-sharalar josparyn bekitti.
«Búgin ákelerdiń ekinshi kezdesýi, ıaǵnı keńeıtilgen alǵashqy keńes ótýde. Bul sharaǵa óskeleń urpaqqa úlgi bolatyn, áleýmettik qıyn jaǵdaılarda nemese erekshe kútimdi talap etetin balalardy ósirip otyrǵan ákeler qatysýda. Kezdesýge kelgen árbir áke jınalǵandarmen óz kózqarasy, ómirlik ustanymymen qatar tájirıbesimen bólisýde», - dedi elordadaǵy M. Ótemisuly atyndaǵy oqýshylar saraıynyń dırektory Vadım Motorın.
Onyń aıtýynsha, keńeske ákelermen qosa balalary da qatysyp jatyr.
«Ákeler keńesin ótkizýdegi maqsat - «áke men bala» arasyndaǵy qarym-qatynasty nyǵaıtý jáne bala tárbıesindegi áke róliniń mańyzdylyǵyn aıqyndaý. Sol sııaqty bala úshin qaýipsiz ortany qurý jáne qoldaý. Sonymen qatar otbasylyq qundylyqtardy saqtaý jáne nyǵaıtýǵa baǵyttalady», - dedi ol.
