Elordada 70 gektardan astam aýmaqty qamtıtyn ekopark qurylady
Ekopark jobasy Kishi Taldykólde sý balansyn saqtaı otyryp qurylmaq.
«Qazir jobanyń vedomstvodan tys saraptamasynyń oń qorytyndysy alyndy. Qurylys-montajdaý jumysyna merdiger uıymdy anyqtaý boıynsha konkýrstyq rásimder júrgizilýde. Aıta ketý kerek, bul aýmaqta ekopark salý qala turǵyndary men jaqyn mańdaǵy úılerdiń turǵyndaryna demalýǵa jáne tabıǵat aıasynda serýendeýge múmkindik beredi...
Saıabaqtyń dızaıny men onyń elementterine erekshe mán beriledi. Qorshaǵan ortaǵa zııany tımeıtin tabıǵı materıaldar paıdalanylady, al bul ekoýrbanızmge sáıkes keledi.
Abattandyrý barysynda tabıǵı jaǵdaılarǵa, oıyn alańdaryna jáne tabıǵı materıaldardan jasalǵan shaǵyn sáýlet nysandaryna kóńil bólinedi. 12 myńnan astam iri aǵash pen jasyl jelek otyrǵyzý josparlanyp otyr. Sol sııaqty aýmaqty kógaldandyrýǵa da erekshe nazar aýdarylatyn bolady», - delingen habarlamada.
Málim bolǵandaı, Kishi Taldykóldiń irgeles aýmaǵy da ıgeriledi. Onda áleýmettik nysandar salynady: mektepter, medıtsına ortalyǵy, turǵyn úıler, balabaqsha jáne taǵy da basqa nysandar.
Al Úlken Taldykól kóliniń janynda qoryq jáne orman-saıabaq aımaǵy bar eldegi alǵashqy tabıǵı park ashylady.
Foto: gov.kz