Elordada 64 adam tamaqtan ýlandy
Vedomstvo málimetinshe, 9 jáne 10 maýsymda departamenttiń aýdandyq basqarmalaryna qalanyń emdeý uıymdarynan taǵamnan ýlaný tirkelgeni týraly shuǵyl habarlama túsken.
Búkil naýqastar óz aýrýlaryn elordanyń qoǵamdyq tamaqtaný oryndarynyń birinde tamaq ónimderin tutynýmen baılanystyrǵan.
«Jappaı tamaqtan ýlanýdy tirkeý jaǵdaıy boıynsha Baıqońyr aýdanynyń sanıtarııalyq-epıdemıologııalyq baqylaý basqarmasy Baıqońyr aýdanynyń polıtsııa basqarmasyna aqparat jiberdi. Kelip túsken aqparat negizinde polıtsııa basqarmasy sotqa deıingi tergeýdi bastady jáne QR QK 304-babynyń qylmystyq isi boıynsha sotqa deıingi tergeý júrgizýge qabyldandy. Baıqońyr aýdanynyń basqarmasy 10 maýsymda qylmystyq is aıasynda qoǵamdyq tamaqtaný nysanyn jospardan tys tekserýdi bastady», - dep atap ótedi departamentten.
Qazirdiń ózinde tekserý barysynda mynadaı buzýshylyqtar anyqtaldy: nysannyń málimdelgen jobalyq qýatynyń naqty sáıkes kelmeıdi, búkil tehnologııalyq protsess as úıdiń bir bólmesinde júrgiziledi, tsehty bólý (ýchaskelerge bólý) qarastyrylmaǵan, tehnologııalyq protsesterdiń aǵymy, tańbalaýǵa qoıylatyn talaptar, daıyn tamaq ónimderi men azyq-túlik shıkizatyn saqtaý kezinde bólshekteý múkámmalyn paıdalaný jáne saqtaý taýarlyq kórshilestik qaǵıdaty saqtalmaıdy, qyzmetkerlerdi irińdi jáne juqpaly aýrýlardyń bar-joǵyn tekserý jýrnaly júrgizilmeıdi.
Tekserý barysynda zerthanalyq zertteýge shaıyndylar, shıkizat pen daıyn ónimniń synamasy alyndy.
Patogendik mıkrofloranyń tasymaldaýyna kásiporynnyń 15 qyzmetkeri tekserildi. Nátıjesi tekserilip jatyr.
«Búgingi tańda 64 naýqas medıtsınalyq kómekke júgindi. Onyń 52-si aýrýhanaǵa jatqyzyldy, 12-si ambýlatorııalyq em alyp jatyr. Aıta keteıik, jospardan tys tekserý jáne epıdemııaǵa qarsy is-sharalar áli de jalǵasýda. Tamaqtan ýlanýdy jáne juqpaly emes aýrýlardy boldyrmaý úshin Nur-Sultan qalasynyń sanıtarııalyq-epıdemıologııalyq baqylaý departamenti halyqqa josyqsyz kásipkerler men zańdy tulǵalardan azyq-túlik ónimderi men jarnamalyq býkletter boıynsha daıyn taǵamdardy jetkizý qyzmetterinen satyp almaýdy jáne tıisinshe ony paıdalanbaýdy usynady», - dep atap ótedi vedomstvodan.
