Elordada 30 kásip ókiline «Altyn júrekti jandar» músinshesi tapsyryldy
Kontsertke QR Premer-Mınıstriniń orynbasary Eraly Toǵjanov, Nur-Sultan qalasynyń ákimi Altaı Kólginov, Densaýlyq saqtaý mınıstri Alekseı Tsoı jáne Tótenshe jaǵdaılar mınıstri ıÝrıı Ilın qatysty.
El Táýelsizdiginiń 30 jyldyǵynda 30 úmitker «Altyn júrekti jandar» músinshesi men alǵys hattarǵa ıe boldy. Olardyń arasynda- Nur-Sultan qalasy PD jergilikti polıtsııa qyzmeti basqarmasynyń ıývenaldy polıtsııa bóliminiń bastyǵy Nellıa Doşanova bar.
«Mundaı is-sharalar jumys isteıtin qyzmetkerlerge ǵana emes, jańadan kelgen qyzmetkerlerge de úlken shabyt beredi. Jaqsy ister alǵys aıtýdy kútpeıdi. Kún saıyn polıtsııa qyzmetkerleriniń, órt sóndirýshilerdiń, dárigerlerdiń, kommýnaldyq qyzmet qyzmetkerleriniń qyzmetine shyǵý bir úlken ıgi is. Bul is-shara óte úlken rýhanı qundylyqqa ıe. Búgingi marapatqa ıe bolý óte kútpegen jáne qyzyqty jaǵdaı boldy. Osyndaı múmkindik úshin basshylyqqa rahmet. Osy músinsheni alǵannan keıin jaqsylyq jasaýǵa degen yqylas odan da arta tústi dep aıtqym keledi», - dedi Nella Doşanova.
«Ózara árekettestik úshin jáne meniń jumysyma joǵary baǵa bergeni úshin barlyǵyna alǵys aıtqym keledi. Men bolashaq stýdentter men óz mamandyǵymnyń mamandaryn tárbıelep otyrǵan osy qoǵamnyń múshesi bolǵanyma rızamyn», - dep atap ótti «Altyn júrekti jandar» músinshesiniń ıegeri Astana Polytechnic joǵary kolledjiniń oqytýshysy Erjan Qasymov.
Elordanyń jedel medıtsınalyq járdem qyzmeti brıgadasynyń júrgizýshisi Erkin Kóksegen «shuǵyl medıtsınalyq járdem « bóliminde 14 jyldan astam ýaqyt jumys isteıdi. Onyń eńbegi de joǵary baǵalandy.
«Ákimdikke eńbegimdi joǵary baǵalaǵany úshin alǵys aıtamyn. Pandemııa kezinde bul ońaı bolǵan joq, kóptegen qıyndyqtar boldy. Biz múmkindiginshe tezirek kelýge jáne azamattarǵa kómek kórsetýge tyrysamyz. Sondyqtan barlyq turǵyndarǵa óz densaýlyǵyn saqtaýdy tileımin», - dedi ol.
«Quttyqtaýlaryńyzǵa rahmet, osy keshke qatysý óte úlken mártebe. Barsha qazaqstandyqtardy aldaǵy Táýelsizdik kúnimen quttyqtaımyn, beıbitshilik pen gúldený tileımin», - dedi órtke qarsy qyzmet organdarynda 17 jylǵa jýyq jumys istep kele jatqan №17 órt sóndirý bóliminiń radıotelefonısti Gúlden Anafına.
Marapattalǵandardyń arasynda 8 jyldan beri volonterlikpen aınalysatyn Aınur Mýsına da boldy.
«Meniń qyzmetim adamdardyń ómiri úshin mańyzdy. Óıtkeni, adamdar túrli jaǵdaılarǵa tap bolady, ol kezde olar eshqandaı jol joq dep oılaıdy. Bireýdiń olarǵa kómek qolyn sozýy óte mańyzdy. Rásim men úshin óte qyzyqty ótti, bul kútpegen jaǵdaı boldy. Men 8 jyl boıy eriktilikpen aınalysamyn jáne mundaı marapattar basqa eriktilerdi yntalandyrady dep oılaımyn. Meniń oıymsha, bul jumystyń qundylyǵy artqansaıyn eriktilerdiń qatary kóbeıedi. Senim bildirgenderińiz úshin alǵys aıtamyn, bul óte qundy marapat, áriptesterime uıymshyl jumys úshin rahmet. Bir kezderi maǵan óte qıyn bolǵan kezde maǵan beıtanys adamdar kómektesti. Sodan keıin men de ózgelerge solaı jaqsylyq jasaıtyn ýaqyt keldi dep oıladym. Men shyn júrekten senemin: eger adamdar ómirdegi qandaı da bir jaǵdaılar men qıyndyqtarǵa qaramastan meıirimdi bolyp, damıtyn bolsa, onda siz kóptegen adamdardyń ómirin qutqara alasyz. Qazaqstandyqtardy Táýelsizdiktiń 30 jyldyǵymen quttyqtaımyn. Bul búkil el úshin óte mańyzdy kún», - dedi Aınur Mýsına.
Nomınanttar qurmetine sahnada Nurjamal Úsenbaeva «Naz» bı teatrymen birge, Aıman Mýsahodjaeva, Rýhııa Baıdúkenova jáne «Aınalaıyn» balalar hory, Nurlan Ónerbaev, Dınaıa, «Qanattylar» ınklıýzıvti teatrynyń ártisteri, «Alashuly» toby óner kórsetti.
Rásim barysynda sondaı-aq ózderiniń kásibı boryshtaryn oryndaı otyryp, ómirlerin qıǵan áleýmettik mańyzy bar mamandyq ókilderin eske aldy.
Іs-shara barlyq sanıtarlyq normalar men karantın talaptaryn saqtaı otyryp ótti.
