Elordada 3,7 myńnan astam oqýshy Pfizer ekpesin aldy
Ekpe alǵandardyń qatarynda qalalyq Qoǵamdyq densaýlyq saqtaý basqarmasy basshysynyń uly Nurádil Muratov ta bar.
13 jastaǵy mektep oqýshysyna Pfizer vaktsınasy salyndy.
«Keshe ekpe aldym, ózimdi qalypty sezinemin – bári jaqsy. Vaktsına salǵan jerim ǵana aýyrady, biraq bul qalypty ǵoı», - dedi Nurádil Muratov.
Oǵan deıin Nurádil Pfizer vaktsınasy týraly kóp aqparat oqyǵan eken.
«Dárigerdiń uly retinde densaýlyqty qalaı kútý kerek ekenin bilemin, jaman indetpen aýyryp qalý nemese aýyrmaý tek meniń qolymda. Osyǵan deıin Pfizer týraly kóp oqydym, bul vaktsınany alǵan adamdardyń pikirin oqydym, ınternette bul týraly túrli maqalalar izdedim. Óz basym vaktsınatsııa alýdan eshqandaı qorqynysh kórip turǵan joqpyn. Ákemiz vaktsınatsııa týraly kóp aıtqan. Ekpe alýdy sheshimdi ózim qabyldadym», - dedi 13 jastaǵy mektep oqýshysy.
Qalalyq Densaýlyq saqtaý basqarmasynyń basshysy Tımýr Muratov balalar úshin vaktsınannyń mańyzdy ekenin kóp túsindirgenin aıtty.
«Men, eń aldymen, eki jasóspirimniń ákesi retinde olardyń bolashaǵy men densaýlyǵyna alańdaımyn. Anasy ekeýimiz vaktsına alýǵa májbúrlemedik. Olarǵa ata-analar retinde vaktsınanyń qalaı jumys isteıtinin jáne vaktsınatsııanyń ne úshin qajet ekenin ǵana túsindirdik. Olardyń ózderi de adamnyń ımmýnıteti týraly jetkilikti biledi, sondyqtan ekeýi de ekpe alýǵa kelisti. Jaqynda úlken ulym JRVI-men aýyrǵan, sol sebepti tolyq jazylǵannan keıin vaktsına alady», - dedi T. Muratov.
Búgingi tańda elordada Pfizer alýǵa jatatyn kontıngenttiń ishinde 5,5 myńnan astam qala turǵyny vaktsına aldy. Onyń ishinde 12 jastan 18 jasqa deıingi jasóspirimder – 3 773, bala emizetin analar – 1 667, júkti áıelder – 106.
Elordaǵa amerıkalyq preparattyń alǵashqy kezeńinde 35 100 dozasy jetkizildi.
