Elordada 200-den astam turǵyn tegin onkoskrınıngten ótti
ASTANA. KAZINFORM — Astanada onkologııalyq aýrýlarmen kúres jónindegi keshendi jospar aıasynda birqatar aqparattyq-profılaktıkalyq is-shara ótti. Bul týraly Astana qalasynyń áikmdigi málim etti.
28 naýryzda Astana qalasy ákimdiginiń «Kópbeıindi medıtsınalyq ortalyǵy» ShJQ MKK onkologııalyq aýrýlardy erte anyqtaýǵa arnalǵan Ashyq esik kúnin ótkizdi. Osy kúni saǵat 09:00-den 14:00-ge deıin elorda turǵyndary tegin profılaktıkalyq tekserýden ótip, mamandardan keńes alý múmkindigine ıe boldy.
Qabyldaýdy ártúrli beıindegi dárigerler júrgizdi: onkohırýrgter, gınekologtar, onkoýrologtar, ýltradybystyq dıagnostıka mamandary, tsıtologtar jáne zerthana qyzmetkerleri.
Aktsııa aıasynda barlyǵy 214 adam qabyldandy.
Onyń ishinde:
- búırek obyrynyń aldyn alý boıynsha – 60 adam,
- jatyr moıny obyryn erte anyqtaý boıynsha – 109 áıel,
- kolorektaldy obyr boıynsha – 45 adam.
Tekserý barysynda turǵyndar mamandardan keńes alyp, qosymsha tekserýlerge usynystar aldy, sondaı-aq qajetti dıagnostıkalyq protsedýradan ótti. Barlyǵy 104 ýltradybystyq zertteý júrgizilip, 100 onkotsıtologııaǵa jaǵyndy alyndy.
Qorytyndy boıynsha 4 qaterli isikke kúdik anyqtaldy (onyń ishinde baýyr, uıqy bezi jáne búırek obyry), 9 isik aldy jaǵdaıy jáne 47 ózge de aýrý tirkeldi.
Qalanyń shtattan tys bas onkology Muhtar Tóleýtaev onkologııalyq aýrýlardy erte anyqtaý dertti bastapqy kezeńde anyqtaýǵa jáne emdeýdiń tıimdiligin aıtarlyqtaı arttyrýǵa múmkindik beretinin atap ótti. Mundaı profılaktıkalyq is-sharalar halyq densaýlyǵyn saqtaýda jáne onkologııalyq saqtyqty arttyrýda mańyzdy ról atqarady.
Patsıentter qabyldaýǵa rızashylyqtaryn bildirip, dárigerlerge qamqorlyǵy úshin alǵys aıtty.
Aıta keteıik, buǵan deıin 2026 jyldan bastap barlyq azamat onkoskrınıngten tegin óte alatynyn jazǵan edik.