Elordada 18 jastaǵy alaıaq jigit jasóspirim qyzdardyń telefonyn aldap alyp ketken

NUR-SULTAN. QazAqparat – Elordada kámeletke tolmaǵan tanystaryn aldap soqqan 18 jastaǵy alaıaq ustaldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

Bozbala tanys qyzdarynan uıaly telefon suraǵan. Ol ony qolyna alǵannan keıin yńǵaıly sátti kútip, jasyrynyp qalǵan.

Jasóspirimderdiń ata-anasy polıtsııaǵa beıtanys jigittiń «iPhone 12 Pro Max» markaly qymbat uıaly telefondaryn aldap alǵanyn aıtyp shaǵymdanǵan.

Osylaısha ol eki telefondy urlap, keıinnen beıtanys adamdarǵa satyp jibergen.

Elordanyń polıtsııa qyzmetkerleri 18 jastaǵy qala turǵynyn ustady.

Kúdiktige qatysty QR QK 190 baby boıynsha alaıaqtyq faktisi negizinde sotqa deıingi tergeý amaldary júrip jatyr.