Elordada 170 myńǵa jýyq jolaýshy qoǵamdyq kólik aqysyn tólemeı júrgen
«Bıyl jyl basynan beri kóliktik baqylaý departamentiniń qyzmetkerleri qoǵamdyq kólik aqysyn tólemegen 170 myńǵa jýyq jolaýshyny anyqtady. Onyń ishinde 8 myń adamǵa ákimshilik hattama toltyrylyp, aıyppul salyndy. Jol aqysyn tólemegeni úshin 2 AEK nemese 5834 teńge kóleminde aıyppul qarastyrylǵan», - dedi Azat Tóleýbaev.
Sondaı-aq, CTS ókili avtobýs aqysyn tólemegen 170 myńǵa jýyq jolaýshynyń nelikten tek 8 myńy ǵana jaýapqa tartylǵanyn aıtty.
«Bul jerde másele adamgershilikte. Keı jolaýshylar tólemaqy jasaýdy umytyp ketedi, keıbiriniń ınterneti istemeı qalady, taǵy sol sııaqty. Ondaı jaǵdaıda túsinistikpen qarap, eskertý jasaı otyryp, jolaqyny tóleýin suraımyz. Jalpy bizdiń mindet - qoǵamdyq kólik aqysyn tólemegen jolaýshyny anyqtaý ǵana, odan ári máselemen tártip saqshylary aınalysady», - deıdi ol.
Onyń aıtýynsha, avtobýs aqysyn kóbine jastar jaǵy tólemeı jatady.
Buǵan deıin CTS basshysy elordanyń qoǵamdyq kólikterinde Ashyq júıesi engizile me degen saýalǵa qatysty pikir bildirdi.
Sondaı-aq, Nur-Sultan qalasynda qoǵamdyq kólik aqysyn tóleýdiń jańa júıesi engiziletini habarlandy.
Odan bólek, elordada qoǵamdyq kólik aqysyn tólemeı júretin jolaýshylardyń úlesi týraly aıtyldy.