«Elorda jastary» turǵyn úı baǵdarlamasy naýryz aıynda bastalady
«Bul – elorda jastaryn tolǵandyratyn ózekti máselelerdiń biri. Bul másele Memleket basshysynyń da, qala basshylyǵynyń da nazarynda. Bıyl «Almaty jastary» baǵdarlamasy sııaqty elordada «Elorda jastary» baǵdarlamasy júzege asyrylady», - dedi Jansultan Mataı tilshiler suraǵyna bergen jaýabynda.
Spıker bul jobany jergilikti atqarýshy organdar qarjylandyratyn bolǵandyqtan, bank pen ákimdik arasyndaǵy kelisimge áli qol qoıylmaǵanyn aıtty. Biraq ákimdik bul baǵytta jumys istep jatyr.
«Osy jyldyń birinshi toqsanynda atalǵan másele boıynsha máslıhat otyrysy ótýi kerek. Naqty kúnin aıta almaımyn, biraq naýryz aıynda osy baǵdarlama bastalady dep aıtýǵa bolady», - deıdi Jansultan Mataı
Aıta keteıik, 2020 jyldyń qorytyndysy boıynsha elimizde 15,3 mln sharshy metr nemese 140 myń turǵyn úı paıdalanýǵa berilgen. Bul 2019 jylǵy kezeńnen 17% joǵary.
Buǵan deıin «Otbasy bank» AQ ortalyq fılıalynyń dırektory Jansultan Mataı «Memlekettik baǵdarlamalar boıynsha turǵyn úı baǵasy qymbattaı ma?» degen suraqqa jaýap bergen edi.
