Elorda turǵyndarynyń sany 24 jylda 4 ese ósti

NUR-SULTAN. QazAqparat – Búgin – astana kúni. Bıyl elordamyzǵa 24 jyl. Osy ýaqyt ishinde qala turǵyndarynyń sany 4 ese ósti, dep habarlaıdy QazAqparat tilshisi QR Ulttyq statıstıka bıýrosyna silteme jasap.

Bıýro usynǵan málimetke sáıkes, 1998 jyly el astanasy atanǵan Aqmola qalasynda 326 myń adam turǵan. Sodan beri elorda turǵyndarynyń sany 4 esege jýyq ósip, qazir 1 mln 262 myń adamǵa jetti.

Astanada 24 jyl burynǵydaı áıelderdiń sany basym. Eger sol ýaqytta qalada 174 myń áıel jáne 152 myń er adam turǵan bolsa, qazir áıelder sany – 657 myń (52%), erler – 605 myń (48%).

1998 jyly elordada 3 400 bala dúnıege kelse, 2021 jyly 31 myń bala týǵan, osylaısha týý koeffıtsıenti 11-den 25,9-ǵa (myń adamǵa shaqqanda) deıin ósti.

1998 jyly qalada 48 jalpy bilim beretin mektep jumys istegen. Qazir olardyń sany – 147. Al, aýrýhana uıymdarynyń sany 15-ten 45-ke deıin artty.

Aıta keteıik, búgin Qazaqstanda memlekettik mereke – « Astana kúni «.