Elorda turǵyndary Naýryz meıramyn atap ótti
Memleket basshysy Qasym-Jomart Toqaev qazaqstandyqtardy Naýryz meıramymen quttyqtap, bul kún bereke men birliktiń, meıirimdilik pen ózara syılastyqtyń qasıetti merekesi ekenin atap ótti. Prezıdent búgingi mereke jańa ózgeristerge bastama bolýyna, al Qazaqstan qýatty ári uıymshyl memleket bolyp damı berýine tilektestik bildirdi.
Sondaı-aq, elorda turǵyndaryn Naýryz merekesimen qala ákimi Altaı Kólginov quttyqtady.
«Qala turǵyndary bul merekeni ylǵı da erekshe yqylaspen kútedi, sol sııaqty jurttyń bir birine kómek qolyn sozýy otbasylyq jáne mádenı qundylyqtardyń, halyq birliginiń jarqyn kórinisi bolatynyn aıtty. Mereke kúnderi biz turmysy tómen azamattarǵa azyq-túlik sebetterin taratý aktsııasyn toqtaýsyz jalǵastyramyz. Qalada Naýryz meıramy atap ótiletin 20-dan astam oryn, sol sııaqty eldi mekenderde de oryndar anyqtaldy», - dep atap ótti ákim.
Basty mádenı-sporttyq is-sharalar «Qazaq eli» alańynda, «Jastar» saıabaǵynda, Jazýshylar alleıasynda, «Atatúrik», «Kóktal» saıabaqtarynda, EKSPO jáne Demalys Promenade alańdarynda uıymdastyryldy. Budan basqa, Naýryz meıramy qalanyń barlyq eldi mekeninde ótkiziledi.
«Búgin Naýryz meıramyna oraı is-sharalar ótkizilýde. Baıqońyr aýdany boıynsha merekelik is-sharalar 5 orynda – «Atatúrik» saıabaǵynda, Jazýshylar alleıasynda jáne úsh eldi mekende ótkiziledi. Mereke kúni saıabaqta kıiz úıler tigilip, kontserttik baǵdarlama uıymdastyrylyp, ulttyq sport túrlerinen jarystar ótkiziledi. Ár kıiz úıde teatrlandyrylǵan qoıylymdardy tamashalaýǵa bolady, tańerteń qonaqtarǵa Naýryz kóje men palaý taratyldy», - dedi Baıqońyr aýdany ákiminiń orynbasary Shuǵyla Qudaıbergenova.
Qala boıynsha belgilengen oryndardyń bárinde altybaqan, ulttyq naqyshta bezendirilgen kıiz úıler ornatylyp, dástúrli taǵamdar – baýyrsaq pen Naýryz kóje kelgen jurtqa taratyldy. Qonaqtar úshin kontserttik baǵdarlama uıymdastyrylyp, oǵan Ulyqpan Joldasov, Dos, Qaırat Baekenov, Gúlnur Orazymbetova, Álisher Kárimov, Beıbit Qorǵan, sondaı-aq, elordalyq teatrlardyń ujymdary qatysady.
Dástúr boıynsha ulttyq sport túrlerinen jarystar da ótkiziledi. Tilek bildirýshiler asyq atý, qol kúresi, arqan tartý, gir kóterý jáne t.b. boıynsha synǵa túsedi.
«Bıyl elordamyzda naýryz meıramy úlken aýqymda toılanyp jatqany qýantady. Bári óte keremet uıymdastyrylǵan, Naýryz kójeden dám tattyq. Keremet kontserttiń kýágeri bolyp, jarystar da qatysty. Kún men túnniń teńelgen, ulystyń uly kúnin atap ótý úshin merekege otbasymyzben keldik», - dedi Nursultan esimdi qala turǵyny.
Búgingi merekege ózge aımaqtardan da, tipti shetelderden de arnaıy qonaqtar qatysty.
«Meni osyndaı keremet merekege arnaıy shaqyrdy. Men Nur-Sultanda bolǵanyma óte qýanyshtymyn. Qazaqstandyqtardy Naýryz merekesimen quttyqtaımyn! Bárińizge zor densaýlyq, elimizge jarqyn bolashaq pen tynyshtyq tileımin!» - dedi mereke qonaǵy Sanjaı Bıdı.
Aıta ketý kerek, qala turǵyndary da bastama kóterip, óz aýlalarynda kıiz úıler tigip, dastarqan jaıyp, merekeni birlesip atap ótýge úles qosty. Kelgen jurtqa samaýryn sháıi, baýyrsaq jáne palaý taratyldy.
Aıta keteıik, bıyl elorda ákimdiginiń bastamasymen Naýryz merekesi «Qaıyrymdy ister» uranymen ótip jatyr.
Mereke aıasynda qalada ıgi isterge arnalǵan aktsııalar uıymdastyrylyp, muqtaj jandarǵa azyq-túlik sebetteri taratylady. Azyq-túlik jıyntyǵyn 1 naýryzdan bastap myńnan astam muqtaj otbasy aldy. Qaıyrymdylyq is-sharasyn júzege asyrýǵa kásipkerler, eriktiler jáne qala turǵyndary kómek kórsetedi. Ulttyq Naýryz meıramy qarsańynda azyq-túlik jıyntyǵy 600-den astam otbasyǵa taratyldy, olardyń arasynda áleýmettik az qamtylǵan, kópbalaly otbasylar, sondaı-aq jalǵyz turatyn zeınetkerler jáne halyqtyń ózge de áleýmettik sanattary bar. Mundaı aktsııalar 1 naýryz – Alǵys aıtý kúni, 8 naýryz – Halyqaralyq áıelder kúni ótkizildi, onda 500-den astam otbasyǵa azyq-túlik sebeti úlestirilgen bolatyn.
