Elorda turǵyndary qandaı medıtsınalyq kómek túrlerin tegin ala alady

ASTANA. KAZINFORM – Astana turǵyndary tegin medıtsınalyq kómektiń kepildik berilgen kólemi aıasynda medıtsınalyq kómek alýǵa quqyly, dep habarlaıdy qala ákimdiginiń resmı saıty.

Tegin medıtsınalyq kómek túrlerin memleket esebinen Qazaqstan Respýblıkasynyń azamattary, qandastar, bosqyndar, Qazaqstan aýmaǵynda turaqty turatyn sheteldikter (jáne turýǵa yqtııarhaty bar), bizdiń elde turaqty turatyn azamattyǵy joq adamdar (jáne turýǵa yqtııarhaty bar) ala alady. 

Qazaqstan Respýblıkasynda ýaqytsha bolatyn sheteldikter men azamattyǵy joq adamdardyń, pana izdep júrgen adamdardyń aınalasyndaǵylarǵa qaýip tóndiretin aýrýlar kezinde TMKKK alýǵa quqyǵy bar.

TMKKK azamattarǵa saqtandyrý statýsyna qaramastan kórsetiledi.

Tizimge mynalar kiredi:

Jedel járdem qyzmetteri, onyń ishinde belgili bir jaǵdaılarda medıtsınalyq avıatsııany jumyldyrý;

Alǵashqy medıtsınalyq-sanıtarııalyq kómek (MSAK) qyzmetteri, onyń ishinde:

1) eń kóp taralǵan aýrýlardy dıagnostıkalaý, emdeý jáne basqarý;

2) halyqtyń nysanaly toptaryn (balalardy, eresekterdi) profılaktıkalyq qarap-tekserý;

3) ımmýndaý (vaktsınatsııa);

4) salaýatty ómir saltyn qalyptastyrý jáne nasıhattaý;

5) reprodýktıvti densaýlyqty qorǵaý jónindegi is-sharalar;

6) bosanǵannan keıingi kezeńde júkti jáne bosanǵan áıelderdi baqylaý;

7) ınfektsııalyq aýrýlar oshaqtaryndaǵy sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalar;

Ambýlatorııalyq jaǵdaıda mamandandyrylǵan medıtsınalyq kómek:

1) AITV-ınfektsııasy men týberkýlezdiń profılaktıkasy jáne dıagnostıkasy;

2) jaraqattar, ýlanýlar nemese basqa da shuǵyl jaǵdaılar kezindegi qyzmetter, onyń ishinde eldegi epıdemıologııalyq jaǵdaıdyń nasharlaýyna sebep bolatyn aýrýlar kezinde jáne saqtandyrylý mártebesine qaramastan barlyq adam úshin olarǵa kúdik týyndaǵan jaǵdaılarda mobıldi brıgadanyń qyzmetteri;

3) áleýmettik mańyzy bar aýrýlardy dıagnostıkalaý jáne emdeý;

4) dınamıkalyq baıqaýǵa jatatyn sozylmaly aýrýlar kezinde dıagnostıka jáne emdeý;

Statsıonardy almastyratyn jaǵdaılarda mamandandyrylǵan medıtsınalyq kómek:

1) áleýmettik mańyzy bar aýrýlar kezinde emdeý;

2) eldegi epıdemıologııalyq ahýaldyń nasharlaýyna ákep soǵatyn aýrýlar kezinde jáne saqtandyrylý mártebesine qaramastan, olarǵa kúdik týyndaǵan jaǵdaılarda úıdegi statsıonardyń qyzmetteri;

3) dınamıkalyq baıqaýǵa jatatyn sozylmaly aýrýlar kezinde emdeý;

Statsıonarlyq jaǵdaılarda kórsetiletin mamandandyrylǵan medıtsınalyq kómek:

1) aınalasyndaǵylarǵa qaýip tóndiretin ınfektsııalyq nemese parazıttik aýrýmen aýyratyn naýqaspen baılanysta bolǵan adamdardy, sondaı-aq bakterııa tasyǵyshtardy, vırýs tasyǵyshtardy jáne qaýip tóndiretin ınfektsııalyq nemese parazıttik aýrýǵa kúdikti adamdardy oqshaýlaý kezinde;

2) juqpaly, parazıttik aýrýlardy jáne aınalasyndaǵylarǵa qaýip tóndiretin aýrýlardy emdeý kezinde;

3) saqtandyrylý mártebesine qaramastan adamdarǵa shuǵyl kómek kórsetý, onyń ishinde táýlik boıy statsıonardyń qabyldaý bólimshesinde emdeý-dıagnostıkalyq is-sharalar júrgizý;

4) josparly tártippen;

Medıtsınalyq ońaltý:

1) negizgi aýrýdy emdeý kezinde;

2) týberkýlezben aýyratyn naýqastar úshin.

Pallıatıvtik medıtsınalyq kómek;

Mamandandyrylǵan medıtsınalyq kómek kórsetý kezinde medıtsınalyq kórsetilimder bolǵan kezde qan preparattarymen jáne onyń komponentterimen qamtamasyz etý;

Ambýlatorııalyq, statsıonardy almastyratyn jáne statsıonarlyq jaǵdaılarda mamandandyrylǵan medıtsınalyq kómek kórsetý kezindegi patologııalyq-anatomııalyq dıagnostıka;

Qazaqstandyqtardy shetelge emdeýge jiberý jáne otandyq medıtsınalyq uıymdarda emdeý júrgizý úshin sheteldik mamandardy tartý;

Dárilik zattarmen, medıtsınalyq buıymdarmen, mamandandyrylǵan emdik ónimdermen, ımmýnobıologııalyq dárilik preparattarmen qamtamasyz etý.

Eske sala keteıik, buǵan deıin qandaı jaǵdaıda medıtsınalyq qyzmetkerdi úıge shaqyrýǵa bolatynyn jazǵan edik.