Elorda: Ortalyq Azııadaǵy eń úlken meshittiń qurylysy qalaı júrip jatyr

NUR-SULTAN. QazAqparat - Elorda ákimi Altaı Kólginov el astanasynda salynyp jatqan Ortalyq Azııadaǵy eń úlken meshittiń qurylys barysymen tanysty, dep habarlaıdy QazAqparat qala ákiminiń Instagram-daǵy paraqshasyna silteme jasap.

«Qalada respýblıka men Ortalyq Azııadaǵy eń úlken meshittiń qurylysy júrip jatyr. Negizgi kúmbezdiń bıiktigi shamamen 90 metrdi quraıdy, al munaralar 130 metr bıiktikke kóteriledi. Meshittiń syıymdylyǵy - 30 myń adam. Qurylys Elbasy Nursultan Nazarbaevtyń tapsyrmasy boıynsha demeýshilik qarajat esebinen júrgizilýde. Búgin osy meshittiń qurylys barysymen tanystym. Ol Qabanbaı batyr men Máńgilik El dańǵyldarynyń arasynda ornalasqan. Óz tarapymyzdan ınjenerlik jeliler men kommýnıkatsııalardy tartý jumystaryn júrgizemiz. Sondaı-aq aýmaqty abattandyryp, aǵash otyrǵyzamyz» delingen jazbada.

Qala basshysynyń aıtýynsha, bul meshit elimizdiń turǵyndary úshin ǵana emes, týrıster úshin de tartymdy núktege aınalady.