Elorda merekesi: Taldyqorǵanda 230 otbasy baspanaly boldy

TALDYQORǴAN. QazAqparat - Elorda merekesinde taldyqorǵandyq 230 otbasy baspanaly boldy,dep habarlaıdy QazAqparat tilshisi.

Búgin Taldyqorǵanda kópqabatty úsh turǵyn úı paıdalanýǵa berildi. Záýlim ǵımarattar «Nurly jer» jáne «7-20-25» baǵdarlamalary aıasynda salyndy. Baspanaly bolǵandardyń qatarynda memlekettik mekeme qyzmetkerleri, kásipkerler, áleýmettik sala mamandary men qarapaıym eńbek adamdary bar. Shańyraq ıelerin Nur-Sultan kúnimen quttyqtap, saltanatty túrde kiltti óńir basshysy Amandyq Batalov tabystady.

«Qazirgi myna memlekettik baǵdarlamamen úı alǵan óte qolaıly. Bizdiń de kezegimiz kelip, qyzymyzǵa úı berilip otyr. Sezimiz keremet bolyp tur», - dedi qonys toıyn toılap jatqan Anargúl Qalqabaeva.