Elorda mektepteriniń ashanalarynda sanıtarlyq talaptardy oryndamaý derekteri anyqtaldy
«Qazirgi kezde mektepke deıingi mekemelerdiń basym bóligi zańdy tirkeý kýáligi boıynsha shaǵyn kásipkerlik obektileri bolyp sanalady. Osy oraıda bul nysandarda josparly tekserýler júrgizilmegen. Tek epıdemıologııalyq kórsetkishter boıynsha jospardan tys tekserýler ǵana boldy. Bul turǵyda tekserilgen biren-saran nysannyń ózi memlekettik menshiktegi mekemeler. Negizgi tekserýler mektepterdegi tamaqtandyrý nysandarynda júrgizildi. ıAǵnı kásipkerlik sýbektileri tekserildi», - dedi A. Shaǵaltaeva qalalyq máslıhattaǵy turaqty komıssııanyń otyrysynda.
Onyń aıtýynsha, 2021-2022 oqý jylyndaǵy tekserýler nátıjesi boıynsha mektepterge azyq-túlik jetkizetinderdiń qyzmeti nazarǵa alyndy. Bul turǵyda negizgi ereje buzý derekteri retinde mıkrobıologııalyq belgiler boıynsha daıyn ári shıki ónimderdiń zerthanalyq kórsetkishteriniń sáıkes kelmeýi anyqtaldy.
Sonymen qatar, dezınfektsııalaý zattary boıynsha sáıkes kelmeýdiń joǵary kórsetkishi baıqaldy.
Munymen qosa, medıtsınalyq tekserýden ótýge, ónim sapasyn rastaıtyn qujattardyń bolmaýyna, qoımalardyń tıisti qurylǵylarmen jaqsaqtalmaýyna jáne basqa da kemshilikterge qatysty derekter anyqtaldy.
«Osy oraıda barlyq nysandarǵa tıisti nusqamalar berildi. Al kináli qyzmetkerler 425-baptyń 1-bóligi boıynsha ákimshilik jaýapkershilikke tartyldy», - dedi Aıgúl Shaǵaltaeva.