Elorda kósheleriniń elektrondy pasporty ázirlenip jatyr
ASTANA. KAZINFORM – Endi Astanada ár kósheniń jeke elektrondy pasporty bolady. Bul týraly Astana qalasy Kólik jáne jol-kólik ınfraqurylymyn damytý basqarmasnyń basshysynyń orynbasary Mereı Baıyrhan málim etti.
«Qazir elorda kósheleriniń tolyq pasporty daıyndalyp jatyr. Bul jumys byltyr bastaldy, Qazaqstan jol ǵylymı-zertteý ınstıtýty aınalysýda. Ár kósheniń elektrondy pasporty bolady, ol jerde jóndeý jumystary qashan júrgiziledi, jaıaý júrginshilerge arnalǵan joldyń uzyndyǵy qansha metr, taǵy sol sııaqty málimetter kórsetiledi», - dedi Mereı Baıyrhan qalalyq máslıhattyń komıssııa otyrysynda.
Onyń aıtýynsha, elorda kóshelerin tsıfrlandyrý jumystary aldaǵy qyrkúıekte aıaqtalady.
Aıta keteıik, búgin qalalyq máslıhatynda qurylys, ekologııa, kólik jáne turǵyn úı-kommýnaldyq sharýashylyq máseleleri jónindegi turaqty komıssııanyń otyrysy ótti.
Kún tártibinde Astana qalasy men mańyndaǵy turǵyn alaptarynda jol salý jáne jóndeý máseleleri qaraldy.
