Elorda avtobýstarynda qazaqtyń uly tulǵalary týraly aýdıoaqparattyq habarlamalar qosyldy
ASTANA. KAZINFORM – Astana qalasynyń qoǵamdyq kólikterinde jańa tanymdyq joba júzege asyryldy. Endi jolaýshylar avtobýsta júrip kele jatyp, qazaq tarıhynda óshpes iz qaldyrǵan tulǵalar týraly aqparat alady.
Qala ákimdiginiń málimetinshe, bul bastama ulttyq qundylyqtardy dáripteýge jáne tarıhı sanany nyǵaıtýǵa baǵyttalǵan.
Jobanyń basty maqsaty – qazaq halqynyń mádenıeti men tarıhyna eleýli úles qosqan qaıratkerler týraly aqparatty keńinen taratý. Jolaýshylar belgili bir baǵyttaǵy avtobýstarǵa mingen kezde, qazaq ádebıeti men tarıhynda erekshe orny bar tulǵalardyń ómiri men eńbekteri týraly qysqasha aýdıohabarlamalar tyńdaı alady.
– Bul bastama ásirese jastar úshin mańyzdy. Óıtkeni olar tarıhı tulǵalar týraly aqparatty kúndelikti ómirde jıi kezdestire bermeıdi. Avtobýstaǵy aýdıohabarlamalar olardyń bilim kókjıegin keńeıtedi, – deıdi uıymdastyrýshylar.
Avtobýstardaǵy aýdıohabarlamalar ulttyq mádenıet pen tarıhty dáripteýdiń jańa ári tıimdi quralyna aınalyp otyr.
Qazirgi ýaqytta aýdıohabarlamalar qalanyń 84 baǵytynda, jalpy 502 avtobýsta iske qosylǵan.
Almaty-Sháýeshek avtobýs baǵyty ashylǵanyn jazǵan bolatynbyz.