Elorda ákimdiginiń bilim grantyna ózge óńir talapkerleri qatysa alady

ASTANA. QazAqparat – Astana qalasy ákimdigi bóletin memlekettik bilim grantyna basqa aımaqtardan da talapkerler ótinish bere alady, dep habarlaıdy QazAqparat tilshisi.

«Tek Astana qalasynyń turǵyny bolý kerek degen talap joq. Basqa óńirdiń talapkerleri de qujat tapsyra alady. Qujat ýnıversıtterde qabyldanady, sodan soń ol Bilim basqarmasyna beriledi. Odan ári qujattar arnaıy komıssııanyń qaraýyna jiberiledi», - dep jaýap berdi Astana qalalyq bilim basqarmasy basshysynyń mindetin atqarýshy Narıman Elamanov qalalyq kommýnıkatsııalardyń baspasóz máslıhatynda qoıylǵan suraqqa.

Buǵan deıin 5 tamyzda elorda ákimdiginde bilim grantyna ótinish qabyldaý bastalatyny týraly habarlaǵan edik.

Aıta ketsek, 2023-2027 oqý jylyna Astana qalasynyń ákimdigi joǵary jáne joǵary oqý ornynan keıingi bilimi bar kadrlardy daıarlaýǵa 1084 bilim grantyn bóldi.

Ulttyq biryńǵaı testtileý (UBT) tapsyryp, «Pedagogıka ǵylymdary» mamandyǵy boıynsha keminde 75 ball jınaǵan talapkerler pedagogıkalyq mamandyqtar boıynsha memlekettik bilim grantyna úmitker bola alady.