Elnur Beısenbaevtyń Májilistegi ókilettigi toqtatyldy
ASTANA. KAZINFORM — Búgin Parlament Májilisiniń jalpy otyrysynda Elnur Beısenbaevtyń depýtattyq ókilettigi toqtatyldy.
Jaqynda Memleket basshysynyń ókimimen E. Sabyrjanuly Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi laýazymyna taǵaıyndaldy.
Osy oraıda QR Ortalyq saılaý komıssııasy E. Beısenbaevtyń ókilettin merziminen buryn toqtatý týraly usynym engizdi. Palata otyrysynda depýtattyń ókilettigin toqtatý jónindegi qaýly qabyldady.
— Elnur Sabyrjanuly Májiliste birlesip jumys istegenińiz úshin depýtattar korpýsy atynan shyn júrekten alǵys aıtamyn. Sizdiń jetekshiligińizben «AMANAT» partııasy (fraktsııasy) óte tıimdi jumys istedi. Ózińiz de kóptegen zańǵa bastamashy boldyńyz. Halyqty tolǵandyryp júrgen eń ózekti máselelerdi sheshýge atsalystyńyz. Ásirese, Memleket basshysynyń reformalaryn iske asyrýda qosqan úlesińiz óte zor, — dedi Májilis tóraǵasy Erlan Qoshanov.