Elimizdiń úsh oblysynda jol jabyldy

ASTANA. KAZINFORM — Erigen qar sýlardyń saldarynan Aqtóbe jáne Qostanaı, Soltústik Qazaqstan oblystarynda jol qozǵalysyna shekteý qoıyldy. Bul týraly QazAvtoJol málimdedi.

23 naýryz saǵat 08:00 jaǵdaı boıynsha erigen qar sýlardyń saldarynan 3 oblystaǵy 3 respýblıkalyq mańyzy bar avtomobıl joldarynda kólik qozǵalysyna shekteý qoıyldy.

Aqtóbe oblysy boıynsha «Qandyaǵash — Embi- Shalqar — Yrǵyz» avtojolynyń 3-92 shaqyrym aralyǵy (Qandyaǵash qalasy — Embi qalasy).

Qostanaı oblysy boıynsha Qazaqstan men Reseı arasyndaǵy beıtarap terrıtorııadaǵy Marınovka aýylyna jaqyn aımaqta (RF shekarasy).

Soltústik Qazaqstan oblysy boıynsha «Petropavl qalasynyń aınalma joly» avtojolynyń 4-7 shaqyrymy aralyǵynda (Qojabergen jyraý aınalma jolynan Esil ózeni arqyly ótetin kópirge deıin).

— Qazirgi tańda respýblıkalyq joldardy kútip-ustaýǵa 60 arnaıy tehnıka men 108 maman jumyldyryldy, — delingen habarlamada.

Aıta ketelik elimizdiń 15 óńiri men Astanada daýyldy eskertý jarııalanǵan edi.