Elimizdiń úsh oblysynda jol jabyldy

ASTANA. KAZINFORM — Erigen qar sýlardyń saldarynan Aqtóbe jáne Qostanaı, Soltústik Qazaqstan oblystarynda jol qozǵalysyna shekteý qoıyldy. Bul týraly QazAvtoJol málimdedi.

22 naýryz saǵat 08:00 jaǵdaı boıynsha erigen qar sýlardyń saldarynan 3 oblystaǵy 3 respýblıkalyq mańyzy bar avtomobıl joldarynda kólik qozǵalysyna shekteý qoıyldy.

Aqtóbe oblysynda  «Qandyaǵash — Embi- Shalqar — Yrǵyz» avtojolynyń 3-92 shaqyrym aralyǵy (Qandyaǵash qalasy — Embi qalasy).

Qostanaı oblysynda «Marınovka aýylyna kireberis» avtojolynyń 9 shaqyrym aralyǵy.

Soltústik Qazaqstan oblysynda «Petropavl qalasynyń aınalma joly» avtojolynyń 4-7 shaqyrymy aralyǵynda (Qojabergen jyraý aınalma jolynan Esil ózeni arqyly ótetin kópirge deıin).

— Barlyq ýchaskede aınalma joldar qarastyrylǵan. Qazirgi tańda respýblıkalyq joldardy kútip-ustaýǵa 105 arnaıy tehnıka men 158 maman jumyldyryldy, — delingen QazAvtoJol habarlamasynda.

Aıta ketelik elimizdiń birqatar óńirinde daýyldy eskertý jarııalanǵan edi.