Elimizdiń týrıstik aımaqtarynyń tizimi TOP-20-ǵa deıin keńeıtildi
ASTANA. KAZINFORM – Elimizdiń týrıstik aımaqtarynyń tizimi TOP-20-ǵa deıin keńeıtildi. Bul týraly búgin Úkimet otyrysynda Týrızm jáne sport mınıstri Ermek Marjyqpaev aıtty.
Bıyl basym týrıstik aımaqtardyń tizimi TOP-20-ǵa deıin keńeıtildi. Osylaısha, barlyq aımaqta ósýdiń eń perspektıvaly oryndary anyqtaldy. Ár destınatsııada basym týrıstik aımaqtar qurý josparlanyp otyr. Mınıstrlik týrızmde ınfraqurylymdyq jobalardyń iske asyrylýyna turaqty negizde monıtorıng júrgizedi. Ótken jyldyń qorytyndysy boıynsha 131 mlrd teńgege 33 joba júzege asyryldy», - dedi ol.
Onyń atap ótýinshe, 2023 jyly Mańǵystaý oblysynyń «Jyly jaǵajaıyna» ınfraqurylymdy jetkizý boıynsha birqatar jobalar aıaqtaldy. Bıyl Almaty, Shymkent jáne Qyzylorda qalalarynda úsh áýejaı termınalynyń qurylysyn aıaqtaý josparlanǵan.
«Bul jolaýshylar aǵynyn edáýir arttyryp, týrıstik destınatsııalardyń qoljetimdiligine oń áser etedi», - dedi mınıstr.
