Elimizdiń ońtústiginde órmekshiniń eki jańa túri anyqtaldy
ASTANA. KAZINFORM – Ǵalymdar elimizdiń ońtústik óńirindegi Qyzylqum shólinde órmekshiniń eki jańa túrin anyqtady.
QR Zoologııa ınstıtýty Qyzylqum aýmaǵynda ómir súretin órmekshiler týraly qyzyqty materıal jınap, tyń málimetter tapty.
«Bizdiń arheologtar órmekshiniń 54 túrin tapty. Olardyń 27 túri (barlyǵynyń 50%) atalǵan shólde bar ekeni alǵash ret anyqtaldy, 10 túri (19%) Qazaqstan aýmaǵynda buryn baıqalmaǵan. Olardyń tirshilik ortasyna Ózbekstan, Qyrǵyzstan, Túrikmenstan men Iran elderiniń aýmaǵy jatady. Órmekshiniń eki túrin ǵalymdar bilmeıtin bolyp shyqty. Olar Anagraphis karamola jáne Drassodes babenkoi dep sıpattalyp, solaı atalatyn boldy. Eki túri de jerde tirshilik etetin Gnaphosidae tuqymyna jatady. Olar kóbine túnde belsendi áreket etetin kórinedi. Al kúndiz jaryqtan tasa jerde (tastardyń túbinde, ózge janýarlardyń ininde, jastastardyń arasynda) jatady. Osyǵan deıin olar kózge túspegen»,-delingen materıalda.
