Elimizdiń ońtústiginde boran soǵyp, kún aıazdaıdy

ASTANA.KAZINFORM — Shymkent pen Túrkistan oblysynda aýa temperatýrasy 20 gradýsqa deıin tómendeıdi.

Shymkentte jańbyr sońy qarǵa ulasyp, burqasyn soǵyp, aýa temperatýrasy 4-6 gradýs aıazǵa deıin tómendedi. Ońtústik-batystan soǵatyn jel soltústik-batystan soǵady, ekpini 25 m/s jetedi.

— Beısenbi, 23 qańtarda oblysta aýa raıy qubylmaly, bultty bolady. Túnde qar jaýady. Soltústik-batystan soǵatyn jel soltústik-shyǵysqa aýysady, kúshi 8-13 m/s. Aýa temperatýrasy túnde 14-16, kúndiz 8-10 gradýs aıaz bolady. 24 qańtarda da qubylmaly bultty bolady. Soltústik-shyǵystan 8-13 m/s jel soǵady. Aýa temperatýrasy túnde -18-20, kúndiz -7-9 gradýs, — deıdi ınjener-sınoptık Ásem Nurlybaeva.

Túrkistan oblysynda qar túrindegi jaýyn-shashyn kútiledi, keı jerlerde burqasyn, kóktaıǵaq bolýy múmkin. Bul qubylystardyń barlyǵy jeldiń kúsheıýimen birge júredi. Ońtústik-batystan soǵatyn jel soltústik-batysqa aýysady, ekpini 20 m/s jetedi.

Taýly jáne taý etegindegi aýdandarda, sondaı-aq oblystyń soltústigi men batysynda ekpini 23-28 m/s, taýly asýlarda jeldiń jyldamdyǵy 30 m/s-tan asady.

Aımaqta aýa temperatýrasy -2 gradýstan -7 gradýsqa deıin aýytqyp tursa, taýly aımaqtarda termometr kórsetkishi -10-ǵa deıin tómendegen. Aldaǵy kúnderi aýa temperatýrasy tómendeı beredi, keı jerlerde -25 gradýsqa deıin aıaz bolýy múmkin.

Eske sala keteıik, buǵan deıin Qazaqstannyń barlyq aýmaǵynda jel kúsheıip, burqasyn soǵatynyn, tuman túsetinin jazǵan bolatynbyz.