Elimizdiń eki óńirinde prokýratýra qyzmetkerleri qamaýǵa alyndy
ASTANA. KAZINFORM – Bas prokýratýra óńirlik prokýratýra organynyń eki qyzmetkeriniń ustalǵany týraly aqparatqa túsinik berdi.
Áleýmettik jelide Qyzylorda oblysy prokýratýrasynyń qyzmetkeri esirtki satý kúdigimen ustalǵany jáne Ulytaý oblysynda prokýror para alý kúdigimen qamaýǵa alynǵany jaıly aqparat tarady.
- Qyzylorda oblysynda esirtki satý kúdigine ilingen tulǵa ustalǵan sátte quqyq qorǵaý organdarynyń qyzmetkeri bolmaǵan, - dep túsindirdi Bas prokýratýradan.
Odan bólek, Qyzylorda oblysy boıynsha Ulttyq qaýipsizdik komıteti departamenti men Bas prokýratýrasy Іshki qaýipsizdik departamentiniń birlesken jedel is-sharalarynyń nátıjesinde Ulytaý oblysynda Qylmystyq kodekstiń 190-baby (Alaıaqtyq) boıynsha sotqa deıingi tergep-tekserý tirkeldi.
Aıta ketsek, Bas prokýratýranyń sáýirdegi málimetine sáıkes, elimizde esirtkige táýeldi 18 myń adam esepte tur, onyń 66%-y kámeletke tolmaǵan.