Elimizdiń birneshe oblysynda avtokólik qozǵalysy shekteldi
ASTANA. KAZINFORM — Aýa raıynyń qolaısyzdyǵyna baılanysty saǵat 03:00-den bastap úsh oblystaǵy avtojoldarda kóliktiń barlyq túriniń júrýine shekteý qoıyldy. Bul týraly «QazAvtoJol» ulttyq kompanııasy habarlady.
2025 jylǵy 15 jeltoqsanda, saǵat 03:00-de aýa raıynyń buzylýyna baılanysty kelesi avtojoldarda barlyq kólik túrlerine shekteý qoıylady:
Jambyl oblysy: «Astana — Qaraǵandy — Almaty» avtojolynyń 2005-2152-shaqyrym aralyǵynda (Qaraǵandy oblysynyń shekarasynan Burylbaıtal aýylyna deıinn);
Qaraǵandy oblysy: «Astana — Qaraǵandy — Almaty» avtojolynyń 592-750-shaqyrym aralyǵynda (Balqash qalasynan Jambyl oblysynyń shekarasyna deıin);
«Qaraǵandy-Aıagóz-Boǵaz» avtojolynyń 17-217-shaqyrym aralyǵynda (Qaraǵandy qalasy-Qarqaraly aýyly).
Joldy búgin, saǵat 11:00-de ashý josparlanǵan.
Pavlodar oblysy: «Atameken — Ertis — RF shekarasy» avtojolynyń 0-263-shaqyrymy aralyǵynda (Atameken aýyly — RF shekrasy) barlyq kólik túrleriniń qozǵalysyna shekteý qoıylady.
Joldy búgin, saǵat 08:00-de ashý josparlanǵan.
«Qytaı shekarasy — Maıqapshaǵaı — Zaısan qalasyn aınalyp ótý — Qalbataý — Semeı — Pavlodar — Reseı shekarasy (Úrlitóbe ó/p) 191-390-shaqyrymy (Reseı shekarasynan Mıchýrın aýylyna deıin);
«Qytaı shekarasy — Maıqapshaǵaı — Zaısan qalasyn aınalyp ótý — Qalbataý — Semeı — Pavlodar — Reseı shekarasy (Úrlitóbe ó/p) 427-587-shaqyrym (Kenjekól aýylynan Abaı oblysy shekarasyna deıin);
«Pavlodar — Sharbaqty — Reseı shekarasy (Sharbaqty ó/p)» 0–112-shaqyrym (Pavlodar qalasynan Reseı shekarasyna deıin);
«Astana-Shiderti-Pavlodar — Ýspenka — Reseı shekarasy» 0-152-shaqyrym (Pavlodar qalasynan Reseı shekarasyna deıin);
«Ertis ózeni kópiri arqyly Pavlodar qalasynyń batys aınalma joly» 0-15-shaqyrym (Kenjekol kentinen Aqsý qalasyna deıin);
«Atameken–Aqsý-Kóktóbe-Úlken Aqjar-Kýrchatov» 0-220-shaqyrym (Atameken kentinen Abaı oblysy shekarasyna deıin).
Joldy búgin, saǵat 09:00-de ashý josparlanǵan.
Abaı oblysy:
«QHR shekarasy — Maıqapshaǵaı — Zaısan aınalma joly — Qalbataý — Semeı — Pavlodar — RF shekarasy» avtojolynyń 587-733-shaqyrymy aralyǵyndaǵy (Pavlodar oblysyń shekarasynan Semeı qalasyna deıin).
Joldy búgin saǵat 09:00-de ashý josparlanyp otyr.
Aqmola oblysy: (júk jáne qoǵamdyq kólik túrleriniń qozǵalysyna shekteý engizildi)
«Astana – Kókshetaý – Petropavl» avtojolynyń 18-232-shaqyrymy aralyǵy (Astana q. – Şýchınsk q.).
Joldy búgin saǵat 08:00-de ashý josparlanǵan.
Eske sala ketsek, keshe elimizdiń qaı óńirlerinde respýblıkalyq joldar jabylǵanyn jazdyq.